Les Clokes (tchanson)

Èn årtike di Wikipedia.
Aller à la navigation Aller à la recherche

Les Clokes, c' est ene tchanson scrîte pa Émile Robin so ene muzike da Ernest Montellier.

Elle a stî eplaideye e moes d' avri 1928 dins Le Guetteur wallon.[1]

Tecse (en ortografeye Feller)[candjî | candjî l’ côde wiki]

I.
Vos p'loz tchanter li bèle Moûse, nos grands tchinnes,
Nos vîs clotchîs, nos campagnes èt nos bwès !
Vos p'loz mostrer les fautcheûs dins l'awinne,
Nos p'tits mouchons d'su les coches ou au r'cwè !
Vos p'loz tchanter nos mèstîs, nos glot'rîyes,
Li tchôd solia, nos dinréyes èt nos fleûrs !
Vos p'loz vanter nos Souvèrains, l' Patrîye,
Et les soûdârts qu'ont gangnî l' crwès d'oneûr !
Vos n' trouv'roz nin pus bèle istwêre
Qui l' cène qui les clokes racont'nut
Quand on v' marquéye su l' batistêre
Et qui les soneûs tribol'nut !
II.
Vos p'loz tchanter les plaijis del djonnesse :
Nos gymnaziens, djouweûrs d' bale èt danseûs !
Vos p'loz causer des cias qui sont s't'a l' tiesse
Didins les coûses di naçâles ou d' bagneûs !
Vos p'loz tchanter nos djintîyès bauchèles,
Leùs coûtès cottes, leûs p'tits tchfias, leûs solés !
Vos p'loz vanter li cène qu'a stî l' pus bèle
Au grand concours qu'on z'a fait po l' biaté !
Vos n' trouv'roz nin pus bèle istwêre
Qui l' cène qui les clokes promèt'nut
Aus djonnes mariés dins l' momint d' glwêre
Quand les soneûs cariyonn'ut !
III.
Vos p'loz tchanter l'agrémint do mariadje,
Li cwin do feu, li bone pupe èt l' piquet !
Vos p'loz mostrer les chîj'léyes au viladje
Et nos tayons fiant ètinde leûs boquets !
Vos p'loz tchanter li boneûr do yèsse pére
Adon pére tôye d'one binde di p'tits èfants,
Vos p'loz vanter les feumes qu'ont div'nu mére,
Et raison d' pus, les bonnès grands-momans !
Vos n' trouv'roz nin pus bèle istwêre
Qui deûs vîyès djins qui vik'nut
Eûreûs, mais somadjant tofere,
Quand par maleûr les clokes bréy'nut !

Sourdants[candjî | candjî l’ côde wiki]

  1. 5inme anêye,  3, avri 1928 (scanaedje), pp. 64-65 (pol muzike) eyet p. 64bis (pol tecse).