Ernest Montellier
| Skepiaedje | 21 di fevrî 1894, Sårt d' Avri |
|---|---|
| Moirt | 6 d' octôbe 1993, Nameur |
| Nåcionålité | Bedje |
| Activités | compôzeu |
Ernest Montellier (sipoté e walon li Nesse) a skepyî li 21 di févri 1894 å Sårt d' Avri. I mora li 6 d' octôbe 1993.
C' esteut on compôzeu d' muzike. C' est lu k' est rwaitî come li ci k' a l' pus compôzé d' muzikes so des cåzaedjes e walon.[1]
Vicåreye
[candjî | candjî l’ côde wiki]E 1915 — i n' av ki 21 ans — i fwait cnoxhance d' Émile Robin. I lyi dna ene powezeye «Mesbridjeye» ki l' Ness meta-st a muzike et l' prezinter ås Relîs namurwès li 30 di may. Les Relîs fourît foirt binåjhes, et l' Ness divna mimbe del soce li 25 di djulete 2015.ans. Leu-z etraidance aléve durer pus d' 40 [2]
E 1931, il a divnou l' mineu des Cwarante Molons.
Il a bouté des ans et des razans avou les Relîs namurwès ey a rçû leu cocåde e 1968.[3]
Il a fwait des rcweraedjes so les viyès tchansons et les viyès danses do payis d' Nameur.
Il a scrît eto des cantikes et ene boune dijhinne di messes e walon.
Di s' mestî, il esteut prof a l' academeye di muzike et a l' atenêye di Nameur.
Sacwantès compôzicions
[candjî | candjî l’ côde wiki]Tchansons e walon
[candjî | candjî l’ côde wiki]- "Al berce" (cåzaedjes da Joseph Calozet)
- "Si vôy voltî" (cåzaedjes da Émile Robin)
- "Les Clokes" (cåzaedjes da Émile Robin)
- "Payis d' Mouze" (cåzaedjes da Lucien Léonard)
Operetes e walon
[candjî | candjî l’ côde wiki]- L' istwere do bea bouket (sicrijhaedje da Jules Evrard)
- Li cariyoneu d' Sint-Åbwin (sicrijhaedje da Jules Evrard)
Ôtès sacwès
[candjî | candjî l’ côde wiki]- Li djesse da Sinte Djulyinne (sicrijhaedje da Joseph Calozet & Jean Guillaume; pîce a môde des misteres del Moyinådje).
- Blanche de Namur, reine de Suède et de Norvège (operete e francès avou todi on sicrijhaedje da Jules Evrard)
Dins les belès-letes e walon
[candjî | candjî l’ côde wiki]Il est prezinté insi pa s' soçon Victor Binot.
Nosse Ness′
Il èst conu, i n’faut nin qu’on vos l’ lome,
Rin qu’en d’jant l’ Ness, vos savoz bin qu’ c’èst li,
C’è-st-on Relî èt c’è-st-ossi on-ome,
Qui done del’ glwère à nosse pitit payis.
Il a d’né s’coeûr à nosse bon vî Nameur,
Di tote si t’âme, il è-st-on vraî Walon,
I v’ rapauj’reûve totes lès pwin.nes lès pus deures
Di s’ bone umeûr èt d’ sès bèlès tchansons.
Hårdêyes difoûtrinnes
[candjî | candjî l’ côde wiki]
Vos trouvroz des racsegnes so les ouves da Ernest Montellier, u les ouves zeles-minmes, sol Wikisourd e walon.
Sourdant et pî-notes
[candjî | candjî l’ côde wiki]- ↑ "Nos fiesses di Walonreye et l' Nesse Montellier", Li Chwès, setimbe 2008.
- ↑ Live so Ernest Montellier, p. 62-63
- ↑ « Lès Rèlîs qu'ont ieû l' “Cocâde” », Les Cahiers Wallons, anêye 1969, lº 2, fevrî 1969, p. 50.