Les Crapådes (binde di tchanteuses)

Èn årtike di Wikipedia.

La Crapaude

a Chevri (måss 2017)

Les Crapådes (oficirmint, a môde francesse, La Crapaude), c' est ene binde di cwate tchanteuses sins instrumints, k' ont rprins bråmint des viyès tchansons e walon, et ls arindjî a leu môde.

Ele si siervèt djusse d' ene tåve po-z rafoirci li tipetape des tchansons.

Istwere[candjî | candjî l’ côde wiki]

Li prumire troplete, c' esteut Sabine Lambot, Pascale Sépulcre, Marie Vander-Elst eyet Charlotte Haag.

Ele s' avént rashonné e 2013, dimorant tertotes a Bouxhonveye. Mins ele n' ont cmincî a esse kinoxhowes pus lådjmint k' e 2015, la k' elle fijhît on concert a Rotchfoirt po èn ocupaedje coinrece del Fiesse ås lingaedjes walons.

A dater di 2016, ele fourît aspalêyes pal province di Nameur.

e 2017, ele vont fé li concert di fén del Fiesse ås lingaedjes walons a Nameur. C' est la k' ele sitrimèt leu prumire sitroete plake.

Fén 2020, les Crapådes candjît d' cogne, avou deus novelès intrêyes (Régine Galle eyet Caroline Durieux) po deus rexhowes (Sabine Lambot et Charlotte Haag). Gn î intra eto on taburreyisse (Max Charue) po les rafoirci.

Al riprinjhe des concerts après l' minêye di cronvirûsse, elle n' estént pus k' zeles deus.

Plakigrafeye[candjî | candjî l’ côde wiki]

E 2017, elle rexhnut leu prumire plake, «A tot spiyî», avou l' aidance da Joëlle Spierkel eyet Xavier Bernier, ki scrijhnut tot on live avou les muzikes, les cåzaedjes, eyet on diswalpaedje sicolrece po tchaeke tchanson.

E 2020, c' est l' deujinme produjhaedje, ki s' lome «Gote d' Aiwe».

Hårdêye difoûtrinne[candjî | candjî l’ côde wiki]

Leu waibe