Les Grignous (pitit roman)

Èn årtike di Wikipedia.
(Redjiblé di Les Grignous (roman))
Sauter à la navigation Sauter à la recherche
Pol discramiaedje des årtikes avou l' mot "Grignous", loukîz cial

Wiktionary-logo.svg

Po des linwincieusès racsegnes sol mot "Grignous", alez s' vey sol Wiccionaire

Coviete

Les Grignous, c' est on ptit roman scrît pa Gaston Lucy, ey eplaidî dins l' Coleccion Pårlaedjes do Teroe e 2013, adon après l' moirt do scrijheu.

Tinme[candjî | candjî l' côde wiki]

Les Grignous, c' esteut des côpeus d' boûsse ki dmorént dins les bwès d' Tôtiene, sol Grande Louwate.

Istwere do tecse[candjî | candjî l' côde wiki]

Gaston Lucy aveut-st oyou l' istwere di ses grands-parints et des viyès djins k' il aléve trover cwand i fjheut ses rcweraedjes sol foclore et sol walon.

Li papîscrît esteut dins les documints leyîs pa Gaston Lucy a Louwis Baidjot.

Il aveut stî rtapé pa Yves Joblin, avou Gaston a ses costés, dins on sillabusse lomé "Œuvres complètes". C' est so ç' sourdant la ki Lucyin Mahin riscrijha e rfondou et l' fé parexhe dins l' Aberteke å cminçmint des anêyes 2000.

Pierre Otjacques riprinda l' mwaisse modêye, li riscrijha e sistinme Feller, tot-z ehåyant l' croejhete et sacwants rfrancijhaedje a pårti del modêye éndjolike. Po rexhe so papî 2013.

Rapoirt di lijheus[candjî | candjî l' côde wiki]

Dins l' lingadje dès djins qui causenut l' walon, gn-a pont d' mot superlatif. I dîjenut : « c'èst bin », «ç' n'èst nin co là si mwaîs», «dj'inme co bin», «c'èst deûs côps rin»... C'è-st-insi qu'il èst, l' Walon ! Sins grandiveûseté po twartchî s' proficyat' ! Tot l' contraîre d'one grande geûye, parèt ! Come dji so-st-one arèdjîye, dj'a skèpî insi, dj'a bin do mau avou ça, mi ! Insidon, dj'a lî « Lès Grignous », mès djins. C'è-st-on lîve da Gaston LUCY. I vint d' rèche foû do Muséye dèl Parole è l'Ârdène. Non di diâle ! Li préface -sicrîte par Piêre Otjacques- c'èst d'dja tot suke po-z-assatchî lès copiches ! Èt, do côp qu'on-z-è-st-au prumî chapite, dji vos l'acèrtine, on vôreut d'dja bin yèsse au dêrin, télemint qui l' fauve èst plaîjante. Dji vos l' pou bin dîre, chaque mot, chaque frâse, c'èst come on-èssôrçuladje ! Quénès rûses po d'mèrer paujère avou on sifaît conteû qu'a l' dâr di v's-amûser... Pont d' doutance, ça chôpîye sès dwègts d' toûrner lès paudjes au pus abîye ! Dj'a bin sayî dè l' lèyî là, ç' lîve-la, d' aler bèrôler one sawouce ! Nin lès pwin.nes ! Lîre « Lès Grignous», c'èst yèsse al dicauce, c'èst come si v's-aurîz pougnî dins l' flotche do caroussèl, po todi ! (Joëlle Spierkel).