Pierre Otjacques
Pierre Otjacques (riwalnijhåve Pire Otdjåke) a skepyî e 1962. I provént d' Glaireuse.
C' est on scrijheu e walon et on bouteu pol walon.
Il a stî relî dins l' Antolodjeye Scrijheus d' Årdene.
E 2007, i fourit relî po moussî å CLRE.
I djåzéve todi walon avou les waloneus, et lzî scrire eto e walon.
Di s' mestî, il esteut årtisse (po les biesses) å Tchestea. Di s' pasmint d' tins, il esteut eto on fel åbussoneu.
Il a stî ossu lontins conseyî comunå å Tchestea.
-
a on raploû del Rantoele-soce, l' an 2000 -
e 2000 ossu -
avou Wiyam Dunker a Bive e 2006
Come sicrijheu
[candjî | candjî l’ côde wiki]
Il a fwait ene bele rîlêye di biyets d' oumeur dins des ptitès gazetes, so les moes et les såjhons, sovint tot-z alant rcweri des vîs spots e walon.
Il a eto scrît sacwants arimés et del prôze nén racontrece (ecolodjeye,pôrts, bén-magnî).
Ses papîs passént dins Singulî, Coutcouloudjoû eyet Li Rantoele.
Dins li rvuwe d' istwere redjonåle "Aux sources de la Lesse", i fjha des rcweraedjes so les fåves do vî vî tins do payis del Hôte Lesse.
Come eplaideu e walon
[candjî | candjî l’ côde wiki]I fourit l' askepieu, avou Louwis Baidjot del gazete e walon "Coutcouloudjoû".
Il fourit cwårlî del Rantoele dispu li cminçmint, et l' eplaideu responsåve del «Rantoele-gazete».
Il esteut dins l' comitî po relire les scrijheus ritnous dins «Scrijheus d' Årdene».
A pårti di 2005, c' est eto lu k' adjinçna li rvuwe «Singulîs».
Come bouteu pol walon
[candjî | candjî l’ côde wiki]I fourit onk des stamons del "Soce des Rcåzeus d' walon", enondêye e 1994 pa Lucyin Mahin.
I fourit prezidint del federåcion do Lussimbork di l' UCW a pårti di 2001.
Il esteut sovint dins les djuris, do Libråmonissîme, do Singlé d' Bwès, di Mamjhele Lingaedje et des bates di recitaedjes d' efants del Province do Lussimbork. I scrijha so ces concours la dins l' live Ké walon po dmwin ?.
E 1999, i produjha, pol Rantoele ene sitroete plake di muzike, avou les cwate coines del Walonreye riprezintés ådvins, «Emacralaedje». Ci fourit l' prumire plake avou on tite ey on livret pår e rfondou walon.
Il adjinçna, e 2007, ene activité avou les efants po les djournêyes Araedje di lére.
I est eto prezidint do Muzêye do Pårlaedje e l' Årdene.
Come ricwereu sol walon
[candjî | candjî l’ côde wiki]Il a fwait des rcweraedjes so les nos e walon del mizrete.
Il a eto eplaidî des dnêyes sol médiaedje avou l' yebe di troye.
Il a eto fwait l' djivêye des nos d' plaeces di Glaireuse.
I cacha ossu so tot çou k' a-st a vey avou l' ahivaedje del tchene.
Hårdêyes difoûtrinnes
[candjî | candjî l’ côde wiki]
Li Wiccionaire si rsieve di sacwantès fråzes da Pierre Otjacques po-z enimådjî des mots k' i gn a.
Vos trouvroz des racsegnes so les ouves da Pierre Otjacques, u les ouves zeles-minmes, so Wikisourd e walon.
