Les bons camaerådes (live d' imådjes)

Èn årtike di Wikipedia.
Coviete

Les bons camaerådes (Lès Bons Camarådes), c' est on live d' imådjes des eplaidreyes "Flammarion", fwait so ene fåve di djåzantès biesses da Paul-François, rituzé d' après ene paskeye da Fang Yi-K'Iun, et rmetowe e walon pa "Fré Djhan"[1] e 1981, dins l' coleccion «Nos ptits efants».

Li live est enimådjî pa Gerda.

ISBN 2-87011-004-9

Contnou[candjî | candjî l’ côde wiki]

I nive. Li ptite robete n' a pus rén a magnî. Ele rexhe et va cweri on magnijhon divant l' ouxh. Tchance eto, ele tome so deus belès rodjès raecenes, ossu grosses ki des betråles.

Elle endè magne ene, et esse ripaxhowe. Cwè fé avou l' ôte. Si bon cour lyi dit d' el poirter å ptit tchvå, si vijhén. Mins i n' est nén la. Ele drouve li poite, el mete sol tåve et court evoye.

Li ptit tchvå, lu avou, est evoye cweri après d' l' amagnî. Et il a trové on bea gros navea blanc et violé. El magne. I n' a pus fwin. I rintere e s' måjhon... et vey li raecene. Avou les wayes dins l' nive, i sait bén k' c' est l' grijhe robete.

Come il est guedé, i tuze a poirter l' raecene a s' vijhén li ptit bedot... ki n' est nén la, pask' il est evoye cweri a magnî. Lu a trové ene rodje djote bén catcheye dizo l' nivaye, et a fwait cråsse eurêye. Cwand i rarive e s' cahoute, et vey li raecene, i n' trouve rén d' mî a fé ki del poirter å tchivroû... ki (minme djeu) el va repoirter al robete.

Vola kimint fjhèt les bons camaerådes.

Sourdant[candjî | candjî l’ côde wiki]

  1. Motoit nén on mimbe do Club walon d' Måmdiy, ca i n' est nén dins l' djivêye oficire des frés do Club walon d' Måmdey (Li vî Sprawe, l° 50, 2000, p. 12-14).