Leu (antroponimeye)

Li mot "leu" et ses parints dins les nos d' djins del Walonreye

Esplikêyes

Po les nos d' famile, li mot «leu» si dveut rapoirter a on caractere foirt hagnûle di l' ome k' el poirtéve.

Po les såvadjes nos di dmorants, ça pout esse ene racontroûle. Dins li «ledjinde des troes viyaedjes» (esplicant li spotaedje des djins di Smu). Pacô, c' est ene fåve po balter onk k' a brai å leu, et k' on n' a trové k' on tchén (Stimbiè).

Nos d' famile

Li no d' famile «Lileu» egzistêye e walon, sicrît a l' estat civil «Leleu», «Le Leu», «Leleup» et «Leleux». Gn a eto l' cogne francesse «Leloup» (sicrît ossu «Le Loup» et «Leloux»).

Gn a eto l' cogne tîxhonde dins bråmint des familes walones: «Dewolf», «De Wolf», «Dewulf», «De Wulf», «De Wolfs».

Rilomés poirteus do no

• Édouard Leloup
• Albert Leloup (si fi)

Spots d' viyaedje

On lome «Le Leus», les dmorants:

• d' Ebli
• di Doncô (Grande Dutcheye)
• di Namoussåt
• di Smu
• di Stimbiè
• di Timister
• del Vå-dlé-Nouveye
• di Viyé-l'-Alou (Gåme)
• di Viancoû (Gåme)