Li Noû Lovén

Èn årtike di Wikipedia.
Sauter à la navigation Sauter à la recherche
Disambig.svg Pol discramiaedje des årtikes avou l' mot « Lovén », loukîz cial.

Li Noû Lovén est on pitit ban del nouve veye d' Ocgniye-Li Noû Lovén. Li Noû Lovén, avou Ocgniye, est l' on des deus pus impôrtants pitits bans del veye.

Li grande plaece do Noû Lovén, avou a hintche li cinema, å mitan l' Aula Magna, et a droete li faculté d' teyolodjeye
Li rowe des Walons dispu li plaece di l' univiersité

Istwere[candjî | candjî l’ côde wiki]

Miniauge.gifLoukîz a : UCL

C' est e 1425 ki tot a cmincî, cwand li påpe Mårtén V a tuzé di fé ene nouve univiersité dins li Dutcheye do Braibant. C' est insi k' a skepyî l' Univiersité Catolike di Lovén.

Å cmince, tot esteut e latén, les prumirès luçons e francès vinît e 1687 ey les prumires e neyerlandès e 1911.

Adon gn aveut a Lovén des studiants di Flande et d' Waloneye, tchaeke di s' costé avou ses lçons.

Mins e 1976, les studiants flaminds dimandît ki Lovén fouxhe tot flamind, sins pupont di francès-dvizants. C' est çoula k' on a lomé e l' Waloneye li Walen buiten (les Walons a l' ouxh).

Adon, on côpa l' univiersité e deus avou l' KUL à Lovén et l' UCL ôte pårt. On a bén tuzé di l' mete e Nameur, ewou gn aveut ddja ene pitite univiersité. Mins come c' est ene catolike univiersité riloyeye å diyoceze di Maline-Brussele, ele diveut dmorer e Braibant. Adon, on a fwait ene nouve veye å mitan des paxhis, dlé Ocgniye. C' est insi k' on a basti l' Noû Lovén.

Les prumirès lçons ont cmincî e 1972. Eyet totes les facultés estént å Noû Lovén e 1979.

Li veye[candjî | candjî l’ côde wiki]

Li Noû Lovén, ç' n' est nén djusse ene univiersité. C' est ene vraiye veye avou des botikes, des cinemas, des cåbarets, des restorants,... Asteure, gn a d' pus di dmorants ki di studiants.

Li mitan del veye est basti so ene dale di béton avou des plaeces po les vweteures padzo. Å dzeu, on n' pout daler k' a pî.

Gn a cwate coulots ki si stindnut so les boirds del valêye. On les lome d' après les vîs hamteas: Bierwåd, Hocaye, Låzele et Brouwire.

Etrevéns a vey avou l' walon[candjî | candjî l’ côde wiki]

E 1994, Lucyin Mahin î ahouke on raploû po sayî di mete on macsimom di djins sol voye do rfondaedje do walon et po bouter sol DTW (disk' adon, fwait fok pa Lorint Hendschel et Tiri Dumont). Avou ces troes la, gn aveut eto Michel Francard, Dominique Heymans, Charles Massaux et Joseph Lahaye, et kécfeye co ds ôtes.

A pårti di 1998, el Fondåcion Humblet ey adjinçnêye pal Rantoele dizo l' prezidince da Yves Paquet, gnè va-st aveur sacwants etrevéns a vey avou l' walon:

E 1998, Jean-Pierre Hiernaux et Jacques Marquet fijhît ene coferince e walon so les novelès dujhances po manaedjî l' moirt]] (Hiernaux) eyet les rbasteyès familes (Marquet).

E 2000, Lucyin Mahin î dene ene coferince so l' avni do walon

Miniauge.gifLoukîz a : Coferince Lucyin Mahin

Di 2000 a 2002, Lorint Hendschel î va dner scole so li rfondou walon

Miniauge.gifLoukîz a : Cours do Noû Lovén

E 2003, Jean-Pierre Dumont dina ene coferince sol Hongreye

Miniauge.gifLoukîz a : Coferince so Hongreye