Gayel

lingaedjes > induropeyin > gayel

---

Li famile des lingaedjes celtikes u gayels, c' est ene brantche des lingaedjes induropeyins, ki comprind des lingaedjes d' asteure come li walès, l' irlandès ou l' burton, eyet des moirts lingaedjes come li gålwès.

Les lingaedjes gayels dins l' tins

Uzaedjes do mot «gayel»

Li mot gayel est eployî e walon po cåzer di tot l' minme ké lingaedje celtike, tot come tîxhon est eployî po tot l' minme ké lingaedje tîxhon; mins nerén, dins l' lingaedje corant gayel fwait sovint referince å gålwès, la k' c' est l' lingaedje k' esteut cåzé; dins les redjons del Walonreye d' asteure.

Rindjmint des lingaedjes gayels

Les lignaedjes gayels sont pårtis e deus dzo-familes:

• les lingaedjes Q-celtike u goydelike: irlandès, gayelike escôswès, gayelike di l' Iye di Man;
• les lingaedjes P-celtike u britonike: walès, burton, cornike, cumbrike, pictike, gålwès (†).

Pa des côps eto, on fwait l' diferince inte les lingaedjes gayels des iyes (les cis cial padzeu, såf li gålwès) eyet les lingaedjes gayels do continint: gålwès, celtibere, galate, norike, lepontike; tertos des moirts lingaedjes enute.

Hårdêyes divintrinnes

• Etimolodjeye gayele
• Motlî des etimolodjeyes gayeles do walon