Lote

Èn årtike di Wikipedia.

Po des linwincieusès racsegnes sol mot "lote", alez s' vey sol Wiccionaire

Ene lote presse a plonker e l' aiwe

Li lote, c' est l' pus grand des bascolidîs, ki vike dins les doûcès aiwes.

Les djonnes si lomèt "lotreas".

Sincieus no d' l' indje : Lutra lutra

Discrijhaedje[candjî | candjî l’ côde wiki]

Lutrea ki magne on boket d' polet dins on park ås lotes

Ele peze di 8 a 12 kilos.

Les frumeles muzurèt 1 mete di long (avou l' cawe), et les måyes 1 mete 25.

Li lote a ene brune coleur so s' dos, mins est blanke sol goidje (blanke bavrete), et sol vinte.

Elle a des peas inte les doets.

Ses orayes sont totes pitites.

Sipårdaedje[candjî | candjî l’ côde wiki]

Mape do spårdaedje del lote d' Urope

El Walonreye, diviè 1940, totavå l’ Årdene, inte di zeles dins l’ Aiwe di Lesse.[1] End aveut eto dins et dins l' Viere (a Straimont) dins les anêyes 1960.

Asteure, end a pupont, apus ki, kécfeye dins l’ l' Park naturel del Hôte Seure..

E l’ Afrike bijhrece, end a co (metans dins l’ rezieve di Sidi Bou Raba e Marok).

Vicaedje[candjî | candjî l’ côde wiki]

Deus lotes, ene ki plonke (on n' voet ki s' cawe) ey ene ki mousse foû d' l' aiwe

Li lote ni rexhe å pus sovint ki del nute. Ele pout roter dipus d' 20 km so ene nuteye. Ele vike tote seule, ey elle est foirt waeraxhe. Cwand ele nedje, ele fwait do 6 a l' eure.

Ele magne des pexhons, mins eto des ptitès biesses.

Tchesse et waerantixhaedje[candjî | candjî l’ côde wiki]

Disk' e li lote esteut tchesseye pask' on djheut k' ele magnive bråmint des pexhons. On l' apicive avou des ceps. Si fôreure esteut eployeye po fé des tchapeas et des manteas.

Dispu 1963, el Beldjike, todi, c' est ene waeranteye biesse.

Eployaedje e-n e l’ ecolodjeye[candjî | candjî l’ côde wiki]

Ele ni vike ki s’ i gn a des pexhons assez. Po çoula, i fåt k’ les aiwes polnuxhe esse rimontêyes disk’ ås froyires.

Ricweraedje so les lotes[candjî | candjî l’ côde wiki]

On n’ les voet nén sovint, veyanmint k’ ele ni rexhnut ki del nute. Eto, on rcwirt leus rleyeures et leus passêyes.

Gn a des rcwereus walons sol vicaedje des lotes, l’ ULg todi.

Avey[candjî | candjî l’ côde wiki]

Sourdants[candjî | candjî l’ côde wiki]

  1. Ene båke so les bwès d’ l’ Årdene (lives)|Ene båke so les bwès d’ l’ Årdene]] p.
Commons
Commons
I gn a so les cmons Wikipedia des imådjes ou fitchîs son a vey avou les lotes .