Louis-Joseph Courtois
Louis-Joseph Courtois, c' esteut on scrijheu e walon do Roman Payis.
Il skepia li 23 d' may 1854 a Perwé, et mori li 15 di fevrî 1915 a Sint-Djri.
Di s' mestî, il esteut curé (a Sint-Djri, di 1887 a 1915).
Riprins dins les antolodjeyes «Nos campagnes» eyet «Vey voltî»
Ouves e walon
[candjî | candjî l’ côde wiki]I scrijha di 1896 a 1914 dipus d' 115 arimés di diferinnès cognes. Inte di zeles, des ratournaedjes di scrijheus greks et laténs (Virgile, Horace, Phèdre).
I fourit eplaidî dins l' Marmite, li Coirneu, li Ban-cloke, et pår divins les B.S.L.L.W..
Tot raspepiant ses ouves, Isidore Dory eyet Jean Haust ont-st eplaidî on motlî d' Perwez sorlon Courtois.[1], rahoukî come limero [C3] dins l' djivêye des motîs do walon.
Il a scrît on long powinme do l' trô d' Han, ki mostere kimint k' el vizite aléve, e 1896.
Ses ouves ont stî aprume eplaideyes pa Paul Coppe e-n on livret lomé L'abbé Louis Courtois, poète et artiste du roman pays de Brabant.[2]
Ene ôte plakete a stî editêye pås Cayés walons.[3]
Hårdêyes difoûtrinnes
[candjî | candjî l’ côde wiki]
Li Wiccionaire si rsieve di sacwantès fråzes da Louis-Joseph Courtois po-z enimådjî des mots k' i gn a.
Vos trouvroz des racsegnes so les ouves da Louis-Joseph Courtois, u les ouves zeles-minmes, so Wikisourd e walon.
Sourdants
[candjî | candjî l’ côde wiki]- ↑ [C3] Dory, Isidore, Haust, Jean, Vocabulaire du dialecte de Perwez, in: BSLW, T 45, 1904, pp. 323-335
- ↑ Live Coppe p. 82-83.
- ↑ l° 4/1972.