Lussimbordjwès (lingaedje)

Èn årtike di Wikipedia.
(Redjiblé di Lussimbordjwès)

Po des linwincieusès racsegnes sol mot "lussimbordjwès", alez s' vey sol Wiccionaire

lingaedjes > indo-uropeyin > tîxhon coûtchantrece > hôt-almand > moyén-almand > lussimbordjwès


Lives e lussimbordjwès dins on grand botike (Stråssene, 2005)

Li lussimbordjwès u francike del Mozale (Lëtzebuergesch e lussimbordjwès, francique mosellan po les linwincieus e francès, Moselfränkisch en almand), c' est on lingaedje tîxhon, del coxhe do francike, djåzé el Grande Dutcheye do Lussimbork, des pårteyes d' Almagne, di France et del Walonreye (viyaedjes åtoû d' Årlon eyet Sint-Vit). Tos payis metous dins les vås d' Mozale.

Côde ISO: lb

Mwaissès piceures[candjî | candjî l’ côde wiki]

Li lussimbordjwès est eto djåzé påzès Tîxhons do Zivenbork (Transilvaneye), el Roumaneye.

El Grande Dutcheye, il a stî proclamé come lingaedje nåcionå oficir dispoy 1984. El Federåcion Walonreye-Brussele, c' est onk des ricnoxhous lingaedjes dilérins.

Li lussimbordjwès est on lingaedje francike d' asteure. Il est près-parint do ripouwaryin, li prumî lingaedje dilérece des Redîmés Payis et des viyaedjes tîxhon-cåzants di l' arondixhmint d' Vervî.

Egzimpe di tecse e lussimbordjwès[candjî | candjî l’ côde wiki]

on ptit live del soce Areler Land a sprooch, 1979
  • e lussimbordjwès: All Mënsch kënnt fräi a mat deer selwechter Dignitéit an dene selwechte Rechter op d'Welt. Jiddereen huet säi Verstand a säi Gewësse krut an soll an engem Geescht vu Bridderlechkeet denen anere géintiwwer handelen.
  • ratournaedje walon: Tos les omes vinèt å monde libes et ewals po çou k' est d' leu dignité et d' leus droets. Leu råjhon et leu consyince elzi fwait on dvwer di s' kidure inte di zels come des frés.

(prumî årtike del Declaråcion univiersele des droets del djin)

Vicansté do lussimbordjwès e payis d' Årlon[candjî | candjî l’ côde wiki]

Tåvlea di l' uzaedje do lussimbordjwès dins les viyaedjes do Payis d' Årlon e 1978 (tot cminçant påzès cis kel djåzèt co foirt).
Viyaedje (e lussimbordjwès) (e walon) % ki djåzèt luss. % ki nel djåzèt nén
Noutem Notombe 90 10
Hiewerdang Haberdji 90 10
Giisch Guiyisch 90 10
Tënnen Tîtindje 87 13
Hondel Hondlindje 85 15
Diddebuurg Tiômont 85 15
Attert Ater 80 20
Tontel Tontlindje 76 24
Gehaamselchert Nåbrissåt 75 25
Séilen Sélindje 75 25
Nidderälter Åtébas 75 25
Woulker Wåclindje 70 30
Ternech Tournich 70 30
Häerzeg Hachî 65 35
Martel Måtlindje 60 40
Miézeg Messanceye 60 40
Bunnert Bouner 60 40
Hueldang Halazi 60 40
Häischel Hinch 50 50
Attem Atusse 50 50
Eiben Åbindje 45 55
Fäteler Faiviè 15 85
Arel Årlon 10 90
Tot l' payis d' Årlon 66 34

Sacwantès plakes e lussimbordjwès[candjî | candjî l’ côde wiki]

Plake a Tontlindje

N a sacwants viyaedjes bedje k' ont metou des plakes e lussimbordjès.

Rilomés disfindeus do lussimbordjwès[candjî | candjî l’ côde wiki]

Difoûtrinnès hårdêyes[candjî | candjî l’ côde wiki]

Plake a Måtlindje
Commons
Commons
I gn a so les cmons Wikipedia des imådjes ou fitchîs son a vey avou Lussimbordjwès (lingaedje) .