Mårticot d' Djibraltar

Èn årtike di Wikipedia.
Pol discramiaedje des årtikes avou l' mot « mårticot », loukîz cial.
pelé cou

Li mårticot d' Djibraltar[1] u mårticot amazir[2], c' est l' seu séndje d' Urope, ki dmeure dins les rotches des falijhes di Djibraltar, mins k' i gn aveut eto, divins l' tins e l' Andalouzeye.

Sincieus no d' l' indje : Macaca sylvanus

Discrijhaedje[candjî | candjî l’ côde wiki]

C' est on ptit rabodjou séndje, sins cawe.

Li trô do nez s' drouve ådzeu d' on rond muzea.

Li nez n' est waire bricant, mins les årvôs des sorcis bén.

Il a des longs pwels, e-n on spès poyaedje (po poleur sopoirter les iviers), pus påle sol vinte et les costés dvintrins des mimbes; les poys del figueure sont pus court; li biesse est pelêye åtoû des ouys.

Li toû do cou est et l' påme des pates est rôze djaenåsse.[3]

Spårdaedje[candjî | candjî l’ côde wiki]

A Djibraltar, end a sol pegnon, çou ki fwait l' plaijhi des tourisses.

E l' Afrike bijhrece, on l' ritrove coranmint ezès bwès d' montagne (mins nén a Nonne), la k' i sierveut d' nouriteure å liyon d' l' Atlasse et al pantere di l' Atlasse.

E Marok, metans, end a dins l' Mîtrin Atlasse diski dins l' Mîtrin Grand Atlasse (Ayites Bou Oulli). Adonpwis, dins l' Rif, aprume e payis Jbala (a Nonne di Tandjî).[4]

Dins les nos d' plaeces[candjî | candjî l’ côde wiki]

Li no d' ene aiwe d' Andalouzeye, dilé Aldjezirasse, Guadalcorte, e-n arabe "واد القرص" (ouwed el qard) vout dire l' aiwe ås mårticots.

Sourdant[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou li mårticot d' Djibraltar .
  1. noûmot askepyî sol Wikipedia walon e 2004.
  2. ratournaedje di «magot de Berbérie», replaeçant «Berbérie», nén politicmint comifåt pa amazir.
  3. Sourdant:ARY1 p. 65.
  4. Lakhdar et copleus, come cial ådzeu.