Måvjhén

Måvjhen, c’ est èn ancyin ptit ban del Walonreye, rabané avou Djedene.

• Dimanants: 204 (1840); 308 (1910); 320 (1930).
• Stindowe: 507 ha, ki 280 c' est des bwès.
• Eplaeçmint sol Daegn: 50°01N—4°58'E

• Canton: Djedene
• Arondixhmint: Dinant
• Province: Nameur
• Payis: Beldjike.
• Vîs scrijhas: Mauvesin, Måvesin.
• Eglijhe, di 1840, stîle Rinexhance,
• Patron: St Hilåre, priyî po les niers et les rumatisses.
• Dicåce: 3° dimegne di setimbe.
• Tchapele a Sint Antoenne. Les conscrits vnént dmander po tirer on bon limero, po n’ nén fé leu siervice.

Istwere

Måvjhén a todi dmoré dins l' signorreye di Djedene. On sait djusse ki, d’ après l’ curé Henroz, li 9 d' octôbe 1651, les tropes da Don Esteven de Gamarre ont lodjî e viyaedje et rwiner Måvjhén, Patiniye et l’ Sårt.

Måvjhén esteut pårotche di Djedene et n’ aveut pont d’ tchapele, ca on curé d’ Måvjhén a si dale funeraire a l’ eglijhe di Djedene.

Divant 1940, Måvjhén esteut del comene di Patiniye. Li viye cinse-tchestea sierveut lanawaire di måjhon comunåle, sicole et cure. E 1914, passaedje des Almands; e 1916, 13 deportés.