Mariette Vignette

Èn årtike di Wikipedia.
Potchî a: naiviaedje, cweri
(diviè 1965)

Wiktionary-logo.svg

Li Wiccionaire si rsieve di sacwants fråzes da "Mariette Vignette" po-z enimådjî des mots k' i gn a.

Mariette Vignette (ki sinéve eto Mariette Paque, u Mariette Paque-Vignette, c' est ene sicrijheuse e walon k' a skepyî a Rocoû li 14 di may 1921.

Ele sicrijha des arimeas, ene rimêyès pîce di teyåte et des tchansons e walon ("nos tchvås").

Diviè 1968, elle eplaida ene ramexhnêye d' arimeas, "Coixheure", et rascode des pris avou. E 1969, ele rexhe ene (rimêye) pîce di teyåte "A l' esprindåjhe" k' a rascodou l' pris Djôzef Derbu pol minme anêye.

Après, on piede si rote. Co ene k' a passé come li stoele a cawe ezès belès letes e walon.

Elle est rprinjhe dins l' antolodjeye Fleurs diyalectåles et dins l' Antolodjeye Scrire.

Di s' mestî, elle esteut contåbe et comi-voeyaedjeuse.

Coviete di « Coixheures »

Corwaitaedje tecnike[candjî | candjî l' côde wiki]

Les tinmes da Mariette Vignette[candjî | candjî l' côde wiki]

Tos les bokets di "Coixheures" mostrèt felmint on grand penin, dandjreus des amours k' ont må tourné.

Dins l' boket "Gayete", ele mostere k' elle est tchokêye påzès cis ki baltént les noers, a cåze di leu pea, tot lzî djhant "Va s' ti laver !, t' es tot noer"

Li cogne des arimeas[candjî | candjî l' côde wiki]

C' est del powezeye foirt libe, des côps sins rimes (Mi batea…)

C' est sovint des courts powinmes, mins totes sôres di pîtaedjes et totes sôres d' adjinçnaedjes.

Onk des pus beas rimeas : gayete[candjî | candjî l' côde wiki]

Vos endè sovnoz vs ?
Vos l' avîz lomé "Gayete"
Vos sovnoz vs
Di s' pôve pitit vizaedje,
Tot noer
Di ses grands ouys pierdous
Et di s' tiesse di boubou ?
C' esteut l' Sint-Nicolai…
Rawårdéve, lu, gayete
Å fén coron del classe.
Rawårdéve k' on lyi dnaxhe
Kékes boubounreyes.
Vos l' avîz-st ahonti
Tot lyi dnant ene savonete.
Il a tant ploré, gayete,
Tant ploré.
Pu, il a ndalé, l' gayård,
Avou s' frake di sôdård
Il esteut bea
Bea
Pol prumire feye,
E vosse classe
On-z a ramoenné ses cindes…
Et
Pol prumire et dierinne feye,
Vos n' l' avoz pus lomé "Gayete".

Hårdêye difoûtrinne[candjî | candjî l' côde wiki]