Maurice Tillieux
Maurice Tillieux, c' est on dessineu d' bindes d' imådjes k' a vnou å monde e 1921, li 7 d' awousse, a Hu et mori dsu ene voye del France li 31 di djanvî 1978.
Dedja e 1938 i boute po Spirou, k' il î conoxheut Djan Doisy si tchîf-redacteu. I dessine des imådjes po "Le Fureteur" et des ptits advinias.
Il åreut volou fé marén mins l' guere 1940-1945 l' end a espaitchî.
E 1944, li studio da Guy Depière lyi drouve ses poites et les pådjes da BIMBO et JEEP, deus ptitès gazetes po les efants.
Cwand Fernand Cheneval lance Héroic-Album, i l' î va rdjonde et, après sacwants sayes ki rishonnut foirt a do Hergé, i dene li djoû à Felix ki s' va candjî, e 1956 et po Spirou, e Gil Jourdan.
Après 1960, i s' va continter di scrire des istweres po ene pougneye d' ôtes di ses camaerådes dessineus.
Difoûtrinne hårdêye
[candjî | candjî l’ côde wiki]Si vos avoz tot d' shûte håsse d' ene pus lådje idêye di çk' il a fwait, vos poloz vey cåzu tos ses tites amon http://www.chez.com/twinants/pages/index2.htm