Miquel Martí i Pol

Miquel Martí i Pol, c' esteut on powete ki scrijheut e catalan.

Ratournaedjes e walon

Onk di ses powinmes a stî rmetou e walon pa Lorint Hendschel

Discandje di cogne

Di tenawete, li moirt et mi, nos n' fijhans pus k' onk:
nos mougnans ene taeye do minme pwin,
nos bevans nosse vén å minme vere
et passer nos eures a soçner
sins moti, tot lijhant l' minme live.

Di tenawete, li moirt, mi moirt,
si vént mostrer ki dj' so tot seu dins mes cayôs.
Adon, nos dvizans påjhûlmint
do dalaedje do monde et des djonnès feyes
ki dj' n' årè pus djamåy. Påjhûlmint,
nos dvizans d' tot çoula, l' moirt èt mi.

Di tenawete - mins seulmint d' tenawete -
c' est l' moirt ki scrît mes powinmes
et m' les lére, termetant k' dji fwai l' moirt
et djel schoûte sins moti, come dji vou
k' ele mi schoûte, li moirt, cwand c' est k' dji lé.

Di tenawete, li moirt èt mi, nos n' fijhans pus k' onk:
mi moirt et mi, nos n' fijhans pus k' onk et l' tins
s' disfouye al doûce, et nos l' passans
a soçner, l' moirt et mi, plins d' rastena,
sins mezåmenes, po dire di s' etinde.

Après, ttafwait si rmete e plaece
et nos rpurdans tchaeke nosse tchimin.