Mitchell Pritchett

Èn årtike di Wikipedia.
Sauter à la navigation Sauter à la recherche

Mitchell Pritchett ou Mitch - e walon Mitchî - est on forveyowe djin (persounaedje), do fime Modiene famile, djouwé pa Jesse Tyler Ferguson.

Jesse Tyler Ferguson, ki djowe Mitch Pritchett.

Mitch est l' fi da Djaiy et di s' prumire feme Dedêye. Il est l' fré da Claire Dunphy et l' dimey-fré da Djô Pritchett, mins esto l' freråsse da Manî.

Cwand il esteut ptit, Mitch aveut des manires di båshele. I n' a måy sitî po l' sipôrt. Si pa aveut sayî d' el mete a djin avou les omes, mins ça n' a nén stî. Mitch a sayî avou sacwantès båsheles, poy i s' a accepté come gaiy. Il a divnou pårlî. A o metou moumint, i s' a metou e côpe avou Cameron Tucker (Cam), ey adopter Lili, ene båshele do Vietnam. C' est lu ki tént l' pot droet el måjhon. Pus tård dins l' fime, cwand l' mariaedje a divnou permetou po tertos, Cam et Mitchî s' ont maryî. Il ont co vlou afyî on deujhime efant, et poy candjî d' idêye.

Å cmince, li manaedje n' esteut propietåre fok do plantchî d' flaxhe del måjhon. Pus tård, il ont atchté l' apårtumint ådzeur, po l' sawè louwer a des djins, et fé sacwants cwårs foû d' ça. Mins l' côpe a todi bon cour, et i ramasnut totès sôres di barakîs, et lzè lodjî. Li påye del côpe est tofer ctapêye pa l' sour da Cam, ki c' est Pam. Pam est ene metchante feme, tote seule mere d' on ptit valet. Cwand Pam est e prijhon, c' est l' côpe Cam et Mitchî k' aclevnut l' råpén.

Mitchî est on vraiy djin d' veye. Il est foirt nareus, et vey evi l' campagne, et si djusse li contråve di s'-t ome. D' alieur, cwand on lyi raconte des spoûles ki s' ont passé ezès cinses, i n' elzè croet måy, et pacôps il lyi fåt mostrer les pondants et les djondants, po lyi fé acroere.

Il est fan del Guere des Stoeles, k' i fwait discovri a s' bea-fré Fil, k' il est amice avou. Tolminme, si meyeuze soçone est s' neveuze, Alecse.

Acteur et persounaedje[candjî | candjî l’ côde wiki]

L' acteur Jesse Tyler Ferguson est vôrmint gaiy, maryî avou on ome, et bouter eshonne po fé avancî les droets des LGBT.

Li persounaedje Mitchî est pårlî; d' efet, c' est l' ome di l' acteur k' est pårlî. Li pere di l' acteur aveut des rujhes avou s' fi esse gaiy; ça a stî copyî dins l' fime po l' persounaedje Mitchî et l' pere do persounaedje.