Motî biyobibiografike des scrijheus e walon

Èn årtike di Wikipedia.

Li motî biyobibiografike des scrijheus e walon di 1622 a 1950, ki l' tite, e francès, c' est Dictionnaire bio-bibliographique des Littérateurs d'expression wallonne, c' est on live sicrît pa Paul Coppe et Leyon Pirsoûle.

I n' a stî eplaidî k' après l' moirt da Pirsoul, a l' imprimreye Duculot a Djiblou, il a rexhou e 1951.

Contnou[candjî | candjî l’ côde wiki]

I fwait 411 pådjes, il a 1325 intrêyes, et cite 25.000 tites di scrijhaedjes e walon ey eto picård di Walonreye. Çou ki ndè fwait li pus spès des sfwaits ovraedjes.

Come si no l' dit bén, i rprind les scrijheus e walon di 1622 a 1950. I dene po bråmint did zels leu date di skepiaedje. Seulmint, li date di moirt n' est nén todi la, soeye-t i ki l' djin vikéve co e 1950, soeye-t i ki, åyant cwité li monde des waloneus, n' aveut pus nole racsegne so s' vicaireye après.

Sintimint so les scrijheus[candjî | candjî l’ côde wiki]

Les scrijheus loukèt pus sovint les beas costés des scrijheus (Joseph Faucon, Louis Lekeu), djusse å rvier di Maurice Piron ki, dins ses «Clairtés» a l' pene hagnante pus sovint k' a s' toû.

Mins pacô, li motî biyobibiografike Coppe-Pirsoul mostere eto les flåwtés di sacwants lives (loukîz l' årtike so Rita Lejeune).

Sicrijheus et scrijheuses[candjî | candjî l’ côde wiki]

So 1325 årtikes do live, end a fok 7 ki c' est ene sicrijheuse.[1]

Sourdant[candjî | candjî l’ côde wiki]

  1. Jean-Luc Fauconnier, El Bourdon l° 744 (moes d' måss 2022)