Motî d' Årsumont

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li "Motî d' Årsumont" sieve di sourdant pol Wiccionaire

Djuliye Servotte a Farjole ki fouytêye li motî

Li motî d' Årsumont, ki l' tite e francès, c' est «Glossaire d'Arsimont», c' est on motî walon francès ramexhné pa Louis Verhulst dins les sovnances di si djonnesse a Årsumont e 19inme sieke.

Il est rprins sol limero [C62] dins l' djivêye des motîs do walon.

Mwaissès dnêyes[candjî | candjî l’ côde wiki]

Il a stî prezinté a ene bate del SLLW e 1920, et rascode ene medaye d' årdjint.

Mins c' esteut tos foyous scrîts al mwin, et nén e sistinme Feller.

Il a stî rarindjî pa Julie Servotte, dizo l' mambornance da Marie-Guy Boutier, di 2001 a 2005, et al fén des féns, vudî come live e 2010.

Il a stî metou so les fis e 2020 avou l' åjhmince di tos les åyant-droet.

Istwere do fitchî[candjî | candjî l’ côde wiki]

Louis Verusse a fwait ses inketes tins del guere di 14-18 (come il esteut fonccionaire, et k' i n' aveut pus rén a fé). Tos les mots provnèt di djins d' Årsumont.

L' ome aveut des foyous, mins i ls a racmincî (deus rîlêyes). I ls aveut dné al Societé d' langues pol concours di 1920, et elle î ont dmoré. Li SLLW les a rmetou a l' ULg.

Julie Servotte a fwait ses candis a l' Univiersité d' Nameur, et aprester on studia sol walon d' Farjole, pol soce Tètâr di Fârjole. Dins les lives k' elle a rwaitî, elle a tchai so on rahouca dijhant k' i gn aveut on fitchî diccionairrece sol walon d' Årsimont (a 100 metes di s' måjhon) a l' univiersité d' Lidje. C' est çou k' l' a decidé di fé si licince a Lidje.

Damblêye, elle a metou l' mwin sol documint, mins totafwait esteut maxhî. Li scrijhaedje esteut e sistinme di dvant Feller. Si ovraedje a stî di rmete tot çoula dadrame e sistinme Feller. Elle a bouté ladsu so ses troes dierinnès anêyes a Lidje, fé s' memwere di licince dissu, pu co raspepyî totawait ene dijhinne d' anêye.[1]

Corwaitaedje tecnike[candjî | candjî l’ côde wiki]

A costé des mots, gn a eto des ratourneures.

Les mots revoynut nén seulmint ås sinonimes (sene ➙), mins eto a des idêyes vijhenes, dizeutrinnes (sene ➚) u dizotrinnes (sene ➘), çou ki ndè fwait eto ene sôre di motî ideyolodjike.

Egzimpe a "tchivå" :

biesse
bidet, roncén
cawe, waitroûle, hôw

Hårdêyes difoûtrinnes[candjî | candjî l’ côde wiki]

Copeye aberwetåve

Sourdant[candjî | candjî l’ côde wiki]

  1. Temonaedje da Jacques Servotte.