Le patois de Bouillon et de la Semois. Glossaire
Motlî Pire Djilet d' après Bouyon
Li motlî Pire Djilet d' après Bouyon, ki s' tite e francès, c' est "Le patois de Bouillon et de la Semois. Glossaire, c' est on motlî avou ene djivêye di mots walons (mins eto gåmès et tchampnwès) d' après Bouyon. Il ont stî rashonnés pa Pierre Gillet (Pire Djilet).
Il a moussî foû e 1967, e-n on live la k' il est shuvou d' ene pîce di teyåte, "Grand Louwis".
Il est rprins sol limero [S5] dins l' djivêye des motîs do walon.
Sourdants et piceures
[candjî | candjî l’ côde wiki]Li Pire Djile dit lu-minme k' il a ramexhné tos mots walons di des djins d' après Bouyon dispu 1945.
Li transcrijhaedje n' est nén e sistinme Feller (metans "paûquètte").
Li son /ə/, ene voyale foirt corante après Bouyon, et k' est eto li spotchåve voyale est riscrîte pa on caractere a pårt "ė" (e avou on pont dsu).
Rahoucaedje et eployaedje
[candjî | candjî l’ côde wiki]Li motlî Pire Djilet va esse li soûmint do Motî d' Bouyon da Françwès Twisselmann, ki rcandjrè l' ortografeye et l' recråxhî beazebén.
Å moumint di l' enondaedje do DTW, c' esteut li seu motî walon francès pol Basse Årdene. Les disfondowes di Bouyon (rimetowes e sisinme Feller) î sont, po les mots raspepyîs dins l' DTW (les A & B, todi).