Moude

Pol discramiaedje des årtikes avou l' mot « moude », loukîz cial.

On moude ou assazinaedje ou crime, c' est l' touwaedje esprès d' ene djin pa onk (ene) k' on va lomer li moudreu ou assazin (moudreuse ou assazene).

Motlî

Li djin k' a stî touwêye, c' est l' moudri (l' assaziné) ou l' moudreye (l' assazinêye); pus biesmint, li victime.

Li moudreu pout touwer sacwants djins ene après l' ôte : c' est çou k' on lome on rîlmoudreu ou moudreu al cawêye.

Dins sacwants culteures, li moude pout esse djustifyî pa l' oneur del famile : c' est çou k' on-z a batijhî moude d' oneur.

Gn a eto li moude di lu-minme, metans tot s' fijhant broûler dvant les djins.

Les moudreus ki touwèt des djins a l' aveulete å no d' idêyes politikes sont purade rindjîs come terorisses.

Les moudreus polèt aveur apicî evoye leu victime et l' awè wårdé on tins come ostaedje.

Sacwants rlomés moudes

Loukîz a : Rilomés moudes

• el Walonreye
  • Assazinas tins del guere di 40 : François Bovesse, Jean Theugels
  • Moude da Julien Lahaut
  • Afwaire Dutroux
  • Afwaire Cools
  • Afwaire Fourniret
• foû payis
  • e 1914, on lomé Günther Princip assazene l' årtchiduk et l' årtchidutchesse d' Otriche a Sarayevo. Çoula va ehinonder li Prumire guere daegnrece.
  • Afwaire do touwaedje des moennes di Tiberene

Sacwants rlomés moudreus d' zels-minmes

• Yan Palach
• Mohammed Bouazizi