Sunite

Les Sunites, c' est ene coxhe di l' islam ki, houte di l' Alcoran, croet al "Sunna", ene ramexhnêye di paroles, d' acsegnmints u d' faitindjes do profete Mawoumet.

Dins l' monde etir, les Sunites sont leus bråmint dpus k' les Chiyites.

Asteme eneviè les persounaedjes del kimince di l' islam

Les Sunites n' acontèt waire Ali, li bea-fi da Mawoumet, årvier des Chiyites.

I respectèt foirt Ayicha, li pus djonne des femes da Mawoumet.

Doctrene

L' islam sunite est sovint pus straegne ki l' islam chiyite, mins gn a eto bråmint des diferinnès brantches, avou tchaeke ses idêyes (salafisses, shuveus do rite malikite...).

Payis ki shuvèt l' islam sunite

• tos les payis muzulmans d' Afrike.
• tos les moslimîs del Tourkeye, et d' Urope ancyinnmint otomane (Albaneye, Bosneye).
• Å Liban, ene pårteye des muzulmans, avou les bordjoes d' après Beyroute.
• El Sireye, ene grande pårteye del peuplåcion, ki beacôp did zels sont divnous des revinteus do tins del guere civile siryinne, pask' il estént formagnîs på redjime alawite.
• Tos les payis do cåziyea arabike, avou des minorités chiyites a Bahreyn ey e Yemen.
• Bråmint des ôtes payis d' Azeye (Pakistan, Inde, Afganistan, Bangla Dech, Indonezeye, Malaizeye.