Olivier Vandecasteele

Èn årtike di Wikipedia.
Foto d' Olivier Vandecasteele metou so ene afitche ki dmande ès låtchaedje.

Olivier Vandecasteele, c' est èn ovreu pol djintrinnté bedje. Il a stî apougnî a Téhéran, e-n Iran, ewou çk' il est egayolé eyet codåné po cwarante anêyes di prijhon avou setante-cwate chlingues. Totfeye, li govienmint bedje pinseut k' c' esteut èn egayolaedje di vint-ût anêyes.[1]

Biyografeye[candjî | candjî l’ côde wiki]

Olivier Vandecasteele a skepyî li 19 di djanvî 1981. Cist ome ci a viké a Tornè, tins d' ès-n' efance. Il a stî a scole pindant ses sgondaires å Coledje Notru-Dame di Tornè. Il a studyî, come estudiant d' univiersité, a l' Univiersité Sint-Louwis pindant troes ans, adon-après il a stî ene anêye a l' Univiersité d' Montevallo (åzès Estats Unis)[2], pus a l' Univiersité Catolike do Noû Lovén po s' mastere ey a l' Univiersité Catolike do Vî Lovén eto.[3]

Adon, cist ome ci a comincî a bouté dispu, å moens, l' anêye 2006.[4] Il a bouté come ovreu pol djintrinnté po des soces djintrinntaires, copuvite e-n Afghanistan, e Mali eyet dins l' redjon do Sawel. Houte di çoula, il a ossu bouté tot-z estant « Country Director » po sacwantès soces djintrinntaires e-n Iran.[3]

Il a stî egayolé e-n Iran, do 24 di fevrî 2022 disk' å 26 di may 2023 après 455 djoûs e prijhon.[5][6]

Ovraedje[candjî | candjî l’ côde wiki]

Ådzeu d' ça, Olivier Vandecasteele a ddja scrît, avou des ôtes oteurs, des lives dandjreus so les djins d' Afghanistan åzès opiacés.[7][8] Co todi avou on copleu, il a eto fé eplaidî on live ki dvizént do scolaedje ås aploûs d' èç payis la k' ont abagué e-n Iran.[9]

Recloyaedje e-n Iran[candjî | candjî l’ côde wiki]

Apiçaedje[candjî | candjî l’ côde wiki]

Après awè bouté po « Relief International »[10] ey après awè ovré po sacwantès soces di djintrinnté e-n Iran pindant cénk ans, Olivier Vandecasteele erale el Beldjike. I n' voleut nén vraiymint î eraler. El råjhon, c' est ki n' a nén trové on djob dinsi drola. Vla k' i rva e-n Iran å moes d' fevrî 2022 po riprinde kékès afwaires. C' est la k' on l' a apicî, deus-troes djoûs pus tård, a Téhéran. Les otorités iranyinnes l' amete di båcreye, di blankixhaedje di liårds eyet di contrubande di manoye.[11]

Gayole[candjî | candjî l’ côde wiki]

Li gayole ewou çk' Olivier Vandecasteele si trove, asteure.

Olivier Vandecasteele si trove al gayole d' Evine, a Téhéran. El vicance låvå est målåjheye po lu. I n' a pont d' meube, pont d' lét, mins i gn a del loumire ki lume todi dins s' gayole.[12] Avou ça, k' il est mierseu. I mindje granddimint des canadas, des lintiles yet do suke. Å moes di djulete 2022, kécfeye ene dimeye-anêye après awè stî metou e prijhon, ès famile eyet ses soçons ont yeu des noveles di lu k' on seu côp.[13] Cwè k' is l' ont pu atotchî on novea côp dispoy, metans å moens on côp å moes d' måss 2023.[14]

C' est l' cwatrinme sakî a esse ritnou låvå. Les troes ôtes omes ont stî metou e prijhon e 2009, mins tertos ont stî liberé l' 8 di decimbe di ciste anêye la.[15][16] Avou cist ovreu bedje, i sont saze etrindjirs a dmorer dins ene prijhon iranyinne, li 25 di måss 2023.

Istwere do payis[candjî | candjî l’ côde wiki]

Dispu l' revintaedje islamike ki s' a passé e 1979, i gn a bråmint d' metingues eyet d' conteståcions. C' est sovint siplincté violanmint. Al copete do mårtchî, el redjime dvént co pus deur avou les penitinces eternåcionåles. E 2022, el moirt da Mahsa Amini a-z aloumé totplin des noveas metingues.[17] El redjime d' èç payis la est foitmint e groûlaedje. Adon, les otorités uznut voltî des otadjes come åre diplomatike conte li Monde coûtchantrece[4][18], foiravant les payis d' Urope eyet les Estats Unis d' Amerike.

Ritripaedjes[candjî | candjî l’ côde wiki]

Famile eyet soçons[candjî | candjî l’ côde wiki]

Dispu k' Olivier Vandecasteele est e gayole, ès famile eyet ses soçons vont pattavå el Waloneye po rascode des signateures sol peticion d' Amnesty International.[19]

Li 16 di decimbe 2022, Amnesty International a-z askepyî ene peticion po-z aveur cist ome la evoye. El lete di peticion a stî evoyeye å Tchif do povwer del djustice d' Iran.[20]

Li 12 di djanvî 2023, on-z a metou ene båtche sol befrwè di Tornè. C' est l' veye d' ewou çk' i vént.[21]

Politike[candjî | candjî l’ côde wiki]

  • El rebanêye comene di Perwé a bouté : « D' ès costé eyet sorlon les infôrmåcions k' elle a, Perwé vout ossu ridjonde li mouvmint d' sopoirtaedje a Olivier Vandecasteele, mins a s' famile ey a tertos eyet tertotes ki s' batnut po k' i pete evoye des gayoles iranyinnes. ».[24]
  • Des ôtès comenes walones lu sopoirtnut ewålmint, inte di yeusses El Lovire[25] eyet Mont[26]. Des veyes flamindes sopoirtnut eto d' lu vir libe, metans Gant, Kortrijk u co Viye-Lovagne.[27][28]
  • Li prezidint do Pårlumint del Federåcion Walonreye-Brussele, Rudy Demotte, a grandmint codåné ès-n' egayolaedje. Avou ça k' il acertine k' il a dmandé a l' ambassadeur d' Iran el Beldjike di tot fé po lu awè evoye.[29]
  • El Minisse bedje do Difoûtrin, Hadja Lahbib, a dit « El Bedjike rwaite Monsieu Vandecasteele tot-z estant nén coupåbe ey on l' doet aveur evoye. Pol moumint, nos dmandans k' i soeye mî traitî al prijhon. ».[30] Ele cåze souvint avou l' Minisse iranyin do Difoûtrin so ç' sudjet la.[31]
  • Ene ancyinne senateure di Colombeye, Ingrid Betancourt, a bouté : « Tot ça doet passer dvant l' Cour Penåle Eternåcionåle ! ».[32]
  • Li govienmint iranyin vout bén k' Olivier Vandecasteele pete foû di prijhon, si l' Beldjike lu dene Assadollah Assadi, k' est on diplomate egayolé drola.[11]

Tuzance[candjî | candjî l’ côde wiki]

L' årtisse pinte, Denis Meyers, a dessiné ene freske po rinde bon dvwer, al måjhon-comene di Nameur.[33] Al copete do mårtchî, des accions d' sopoirtaedjes ont stî metous so pî dins des grandès scoles[34] eyet dins des univiersités[35].

Bon dvwer[candjî | candjî l’ côde wiki]

Tins des merites walons, Olivier Vandecasteele a rçuvou l' tite di Comandeu do Merite walon pa Elio Di Rupo, k' est l' minisse-prezidint del Redjon Walone.[36]

Hårdêye difoûtrinne[candjî | candjî l’ côde wiki]

Si cévé so ene rantoele di soçnaedje d' ovraedje.

Referinces eyet sourdants[candjî | candjî l’ côde wiki]

Des bokets vegnnut do ratournaedje di l' årtike e francès.

  1. https://www.bbc.com/news/world-middle-east-63973683
  2. https://www.linkedin.com/in/olivier-vandecasteele-a85717/details/education/
  3. 3,0 et 3,1 https://www.facebook.com/olivier.vandecasteele.75
  4. 4,0 et 4,1 https://www.iranintl.com/en/202207043942
  5. https://www.dhnet.be/regions/tournai-ath-mouscron/2022/07/05/les-proches-du-tournaisien-olivier-vandecasteele-incarcere-en-iran-se-mobilisent-pour-sa-liberation-MYS5UK5TRBF6TFWCRK63G4KK6A/
  6. https://www.lecho.be/economie-politique/belgique/federal/olivier-vandecasteele-a-atterri-en-belgique-apres-455-jours-de-prison-en-iran/10470531.html
  7. https://www.cairn.info/revue-vacarme-2011-2-page-88.htm
  8. https://archive.wikiwix.com/cache/index2.php?url=https%3A%2F%2Fwww.interventionjournal.com%2Fsites%2Fdefault%2Ffiles%2FVogel_2012_Intervention_10-2.pdf
  9. https://www.proquest.com/openview/9add5a21dfea7c10e642f7df881817e7/1?pq-origsite=gscholar&cbl=55113
  10. https://ipa.united4iran.org/en/prisoner/7238/
  11. 11,0 et 11,1 https://www.bbc.com/news/world-middle-east-64220942
  12. https://www.rtbf.be/article/iran-le-belge-olivier-vandecasteele-condamne-a-purger-125-ans-de-prison-et-a-74-coups-de-fouet-11134040
  13. https://www.rtbf.be/article/le-travailleur-humanitaire-belge-olivier-vandecasteele-emprisonne-en-iran-ses-proches-se-mobilisent-pour-sa-liberation-11025254
  14. https://www.rtl.be/page-videos/monde/olivier-vandecasteele-pu-sentretenir-avec-sa-famille/2023-03-16/video/533941
  15. https://www.7sur7.be/belgique/les-trois-belges-arretes-en-iran-reviennent-sur-leur-mesaventure~a9938e60/
  16. https://edition.cnn.com/2010/WORLD/meast/01/26/iran.hikers.belgians/index.html
  17. https://www.rtbf.be/article/olivier-vandecasteele-et-iran-le-regime-actuel-n-a-plus-rien-a-perdre-pour-firouzeh-nahavanhi-professeure-a-l-ulb-11135017
  18. https://www.letemps.ch/monde/otages-occidentaux-pions-lechiquier-diplomatique-iranien
  19. https://www.rtl.be/info/monde/international/le-belge-olivier-vandecasteele-condamne-a-28-ans-de-prison-et-74-coups-de-fouet-en-iran-1426082.aspx
  20. https://www.amnesty.be/veux-agir/agir-ligne/petitions/olivier-vandecasteele
  21. 21,0 et 21,1 https://www.ln24.be/2023-01-12/la-ville-de-tournai-se-mobilise-pour-olivier-vandecasteele
  22. https://www.barrons.com/news/belgian-man-held-in-iran-for-espionage-01657014007
  23. https://www.rtl.be/info/belgique/faits-divers/une-immense-bache-de-soutien-a-olivier-vandecasteele-sur-le-beffroi-de-tournai-1425823.aspx
  24. https://www.perwez.be/actualites/perwez-marque-son-soutien-a-olivier-vandecasteele
  25. https://web.archive.org/web/20230319205312/https://www.lalouviere.be/ma-ville/services-communaux/departement-de-la-citoyennete/actualites/la-louviere-soutient-olivier-vandecasteele
  26. https://www.mons.be/actualites/petition-en-vue-de-la-liberation-dolivier-vandecasteele
  27. https://www.vrt.be/vrtnws/nl/2023/01/27/banners-op-grote-markt-in-kortrijk-om-ollivier-vandecasteele-uit/
  28. https://www.vrt.be/vrtnws/nl/2023/02/26/wake-olivier-vandecasteele-brussel-gent-namen-leuven-doornik/
  29. https://www.sudinfo.be/id600135/article/2023-01-11/rudy-demotte-affiche-son-soutien-olivier-vandecasteele-je-condamne-fermement
  30. https://www.lalibre.be/international/moyen-orient/2023/01/04/olivier-vandecasteele-est-accuse-despionnage-en-iran-6BOIFBOKPVEQZFRGG2J2IA7G2I/
  31. https://www.rtbf.be/article/olivier-vandecasteele-au-coeur-d-un-entretien-entre-hadja-lahbib-et-son-homologue-iranien-11159275
  32. https://www.rtbf.be/article/lex-otage-ingrid-betancourt-a-propos-dolivier-vandecasteele-detenu-en-iran-que-lon-paye-sa-liberation-11134401
  33. https://www.rtbf.be/article/namur-une-fresque-pour-olivier-vandecasteele-11171467
  34. https://www.sudinfo.be/id637663/article/2023-03-21/les-260-eleves-des-ecoles-communales-primaires-de-fleron-se-sont-mobilises-pour
  35. https://web.umons.ac.be/fr/pour-la-liberation-dolivier-vandecasteele-condamne-et-detenu-arbitrairement-en-iran/
  36. https://www.7sur7.be/belgique/olivier-vandecasteele-bouli-lanners-et-pierre-de-maere-honores-lors-des-merites-wallons~a4d9e865/