Ondî

L' ondî ou ôlî ou erî-doet, c' est l' doet del mwin li deujhinme pal grandeur, metou inte li pôce et l' grand doet.

Dins les biesses ås cwate pates, i n' est pus la ki come des ptitès ongletes (les "gadots") dins les roemiants. End a nén dins les tchvås.

Dins les doetreces (rime-rame d' efants), i s' lome "Londî" (pa atroclaedje di l' årtike, "Lôlî", "Lourdî", Djulin (a Lidje), "Laridet" (l' arî-dèt).

pôce	erî-doet / ondî	grand doet	doet a l' anea	pitit doet