Orecå

Èn årtike di Wikipedia.

Po des linwincieusès racsegnes sol mot "orecå", alez s' vey sol Wiccionaire

Fôre Oreca el Pologne

L' orecå u oreca, c' est l' cwårtî economike ki rascovere les otels (o-), les restorants (-re-) et les cåbarets (-cå) k' on dit eto les cafès (-ca).

Onk (ene) k' overe dins ç' secteur la si pout lomer "orecatisse".

Mwaissès piceures[candjî | candjî l’ côde wiki]

C' est on cwårtî k' eploye bråmint des djins ås ptitès cwénzinnes, sins waire di diplomes. Pår des studiants, foiravant sol trevén des vacances des scoles.

Dins les orecatisses, les cis (cenes) ki sont direk e rapoirt avou les pratikes si polèt ahiver on ptit macsåd d' rawete rén k' avou les dringueles.

C' est eto on cwårtî la k' gn a toplin do noer. Did la l' idêye des Contribucions di fé mete, a cmincî di 2016, ene sôre di noere boesse dins l' ridoe-caisse di l' orecatisse, raloyeye éndjolicmint a leu-z administråcion.

Impôrtance e l' Walonreye[candjî | candjî l’ côde wiki]

El Walonreye, l' Oreca fwait 57.000 eterprijhes avou nén lon di 120.000 ovreus, et 10.000 indepindants.[1]

Fôres Orecå[candjî | candjî l’ côde wiki]

Li fôre Orecå di Måtche-el-Fåmene (e moes d' måss)

Sourdant[candjî | candjî l’ côde wiki]

  1. Gazete L' Avni do Lussimbork, e moes d' may 2020, tins do studiaedje do disrecloymint pol minêye del gripe chinwesse.