Pad'R

Pad'R, ubén d' ès veur no « Pascal Decubber », c' est on caricaturisse bedje k' a nexhou a Brussele, li 9 di djanvî 1968.

Biyografeye

Djonnesse

Pad'R a crexhou a Woluwé-Sint-Lambiet, tins d' ès-n' efance. Il shuveut voltî l' ekipe coinrece : White Star Woluwé. I n' a måy shuvou des luçons d' dessén, a l' epoke, mins il lijheus voltî les bindes d' imådjes, foiravant les cis del rilêye Gaston Libiestreye. Al copete do mårtchî, deus frés da lu dessinnut voltî eto eyet s' vî-pa, c' ît on pondeu.

Cårire

Pad'R a cmincî a dessiner des caricateures, e 1999, cwand il ît å pwintaedje. Il a-st aprindou a s' siervi des programes éndjolikes d' imådje, metans Adobe Photoshop. C' est ciste anêye la k' il a-st askepyî ès waibe. L' an k' a shuvou, Pascal Decubber s' a fwait prindou på R.T.B.F. Etur tins, il a stî metou a l' ouxh, cåze d' on retcherpetaedje.

Dispu l' dijhnêye 2010, Pad'R, c' est l' caricaturisse oficir di l' emission La Tribune, so Tipik (ancyinmint : La Deux). Asteure, i vike et boute do costé d' Nivele, rebanêye comene k' i préjhît télmint.