Paskeye so les lotchets
Discours de payſans ſur le tremblement de terre & ſur les lochets des fille d’au preſent
Li «Paskeye so les lotchets» ou «Les lotchets des cmeres d' asteure», ki l' tite e francès, c' est : «Discours de paysans sur le tremblement de terre et sur les lochets des filles d’au présent», c' est ene viye paskeye di 1640.
C' est l' limero 2 do live «Dix pièces en vers sur les femmes et le mariage», eplaidî pa Jean Haust e 1941.
Elle est rprinjhe sol limero 285 dins l' clasmint Piron des vîs scrîts e walon.
Dataedje
[candjî | candjî l’ côde wiki]On l' date di 1640, paski, li 4 d' avri di ciste anêye la, gn a on foirt hosmint d' tere a Lidje.
Persounaedjes
[candjî | candjî l’ côde wiki]- Wéri Lodî
- Maroye Modêye, si feme
- Stienon Hamlé
- Robin Crespou, si pa
Contnou
[candjî | candjî l’ côde wiki]Gn a troes bokets dins l' paskeye, ki n' ont waire d' aloyance inte di zels.
N a des strofes etires k' ont stî rcopeyes di des ôtès paskeyes di ç' trevén la.
Prumî boket
[candjî | candjî l’ côde wiki]Vers 1 a 35 Les troes omes, c' est des houyeus, ki sont-st å fond tins do tronnmint d' tere.
Wéri si date a sinte Båre et a sint Linåd.
- O! K' est ç' voci, Djezus Maria!
- Sinte Båre et Monsieu sint Linåd!
- Nos alans abimer el fosse.
- Binamé Diè! Tot l' beur ki hosse!
Stienon Hamlé dit årvey a s' monkeur
- Ay! Adiè, binamêye Aguisse
- Nos n' årans pus måy nole divize.
Robin Crespou sondje å schapaedje di si åme.
- Doûs Diè! Ki n' estans ns kifessé.
- Et k' nos euxhénxhe bén fwait nos påkes.
I savét rmonter
- Bouxhans nos tertos e panî.
Li hosmint d' tere si djoke.
- Coraedje! I gn' a pus rén ki hosse
Vo les la foû do beur.
- Gråce a Diè! Vo nos ci å djoû.
Deujhinme boket
[candjî | candjî l’ côde wiki]Vers 36-42 Wéri toume dins les bresses di s' feme ki l' a vnou rawårder.
Troejhinme boket
[candjî | candjî l’ côde wiki]Vers 43-162 Bate di dvize inte li pa et s' fi, avou, å mitan, on long pretchaedje sol môde des båsheles di veye, ki leyèt des grands tchveas avou des lotchets (adon k' les båsheles des viyaedjes les haetchèt dandjreus e-n on topet.
- Si vos les vlans on pô lofer, (=rabressî)
- I vénrè des måssîs poyaedjes
- Ki vs vénront voler e vizaedje
- Oubén el boke po vs sitronner.
- Kî våt ene båshele di viyaedje !? (= n' a nole del veye ki l' våt)
- Vos les båjhîz so leu vizaedje.
- Si n' estoz vs a rén ecombré
- Insi k' a ces paneas dguizés.