Sinte Båre

Veulire avou sine Båbe, a Plombire

Sinte Båre ou sinte Båbe, c' est ene sinte fiesteye el Walonreye, li 4 di decimbe.

Ele fwait pårteye des «sints des prumîs djoûs d' decimbe» avou sint Elwè et sint Nicolai.

Vicåreye

Sinte Båbe, a hintche avou li spêye et l' cariot, sol poliptike Sint-Djhan, da Hanse Memlink, wårdé a Brudje

C' est ene mårtire do 3e sieke ki dmoréve e l' Bitineye (Tourkeye d' asteure).

Rilomêye

Elle est cnoxhowe el Walonreye come sinte boune dame des houyeus, des schayteus, des viernixheus, des veultîs et di tos les mestîs k' ont-st a vey avou l' feu (pompîs, carioteus, mins eto årtchitekes et djeyolokes).

Divant d' dischinde e l' fosse, les houyeus dijhént sovint «al wåde di Diè, di sinte Båre et d' Sint Linåd».

On l' preye po-z esse wårdé del moirt subite.

Dins les Belès Letes e walon

Dins les Belès Letes e walon, on rténrè aprume li ramexhnêye di tecses sol Sinte-Båbe, dins «On fiestit les sints III», p. 62-75, Ed. do Bourdon, Tchålerwè, 1993.