Planete (asterlodjeye)

Pol discramiaedje des årtikes avou l' mot « planete », loukîz cial.

Li planete d' ene sakî, e-n asterlodjeye, c' est çou ki lyi doet ariver, et k' est "decidé" a l' assulon del pôzicion des stoeles a on metou moumint.

Si planete (u s' zodiake), c' est eto li termene k' il a vnou å monde, et ki va lyi dner on metou caractere.

Les dozes planetes do sistinme caldeyin

• Bassî (21 di måss å 20 d' avri)
• Torea (21 d' avri å 20 di may)
• Djermale (21 di may å 21 di djun)
• Crantche (22 d' djun å 22 d' djulete)
• Liyon (23 d' djulete å 23 d' awousse)
• Pucele (24 d' awousse å 22 d' setimbe)
• Balance (23 d' setimbe å 23 d' octôbe)
• Scoirpion (24 d' octôbe å 22 d' nôvimbe)
• Airtchî (23 d' nôvimbe å 21 di decimbe)
• Gadot (22 d' decimbe å 20 di djanvî)
• Raiweu (21 di djanvî å 19 di fevrî)
• Pexhons (20 di fevrî å 20 di måss)

Sicrijhaedjes e walon so les planetes

Chantal Denis divant s' live "On n' candje nén s' planete"

Dins les belès letes e walon, on cåze des planetes come d' èn amuzmint so les dicåces dins l' roman "Mamjhele Chôze" da Henri Van Cutsem.

Tant k' å tite do roman da Chantal Denis, "On n' candje nén s' planete", c' est l' prumî sinse do mot k' est rprins, sins djåzer des 12 zodiakes.

Come prôze nén racontrece, on n' voerè des coirnêyes des gazetes e walon avou les planetes ki dins les anêyes 2000.

Li prumî côp e 2003, dins l' gazete éndjolike "Rabulèts", mins c' esteut di l' asterlodjeye chinwesse.

C' est Li Chwès k' ataca avou l' asterlodjeye coûtchantrece di setimbe 2005 a octôbe 2006, mins tot wårdant des calcaedjes setchs do francès po tos les nos d' planetes.

Adonpwis, Li Walone shuva l' anêye d' après, avou sacwants nos pår walons (bassî, djermale, crantche).