Aller au contenu

Politicmint comifåt

Èn årtike di Wikipedia.
Plake e-n inglès avou on messaedje sociålmint comifåt.

Li politicmint comifåt, k' on lome eto sociålmint comifåt, c' est ene manire di dvizer. L' adierça, c' est d' ahouwer d' birer les djins tins k' on scrît ubén dit ene sacwè.

Askepiaedje[candjî | candjî l’ côde wiki]

El mot-fråze « politicmint comifåt » a stî edvinté tins del Revolucion rûsse, e 1917.[1]

Totfeye, li manire di dvizer politicmint comifåte a stî askepieye pindant l' dijhnêye 1960. L' adierça, a l' atake, c' esteut foiravant di trover ene manire di cåzer eyet d' escrire sins birer les djins des minorités.[2] Houte di çoula, èn ôte adierça, c' est d' mete ces minorités la e dvant-plan.[3]

Critike[candjî | candjî l’ côde wiki]

Djenerå[candjî | candjî l’ côde wiki]

Asteure, li politicmint comifåt est rwaitî pa des sakîs timpesse po-z esse ene ideyolodjeye politike. L' adierça d' ciste « ideyolodjeye politike » la, dit-st i, sreut d' poûssî l' cinseure.[2]

D' ayeur, on-z amete voltî les djins politicmint comifåtes avou l' calindje d' uzer sacwants mots. Do côp, ces mots la, i lzès fåt rcandjî, sorlon l' mode politicmint comifåte di dvizer.[3] Foû d' ça, ciste idêye la est sovint mokêye.[1]

Politike do monde coûtchantrece[candjî | candjî l’ côde wiki]

Åzès Uyessês, e 1991, li prezidint, George H. W. Bush, l' aveut ddja disploré. Dit-st i : « Il ercandje des ancyins predjudjîs pa des noveas ».[4] Låvå, el politicmint comifåt dmeure todi foirt critiké på wårdiveus.[5]

Poirtant, el Beldjike, des pårtis wårdiveus, virpus d' foite droete, avént ddja stî ametou di dvizer d' ene manire sociålmint comifåte po nén daler conte el lwè conte les trepådjes. Metans, el raecisse.[6]

Parintaedje[candjî | candjî l’ côde wiki]

Les lingaedjes, dit-st i « compurdixhant », sont rwaitîs come des consecwinces do sociålmint comifåt.[7]

Po sacwantès djins, li mot « politicmint comifåt » a stî rcandjî pa èn ôte : « wokisse ».[4]

Hårdêye difoûtrinne[candjî | candjî l’ côde wiki]

Li prumire des troes videyos eplaideyes so on vobuze ki s' fotnut voltî do politicmint comifåt.

Referinces eyet sourdants[candjî | candjî l’ côde wiki]