Potaedje (ås djeus d' efant)

Èn årtike di Wikipedia.
Pol discramiaedje des årtikes avou l' mot « potaedje », loukîz cial.

Po des linwincieusès racsegnes sol mot "potaedje", alez s' vey sol Wiccionaire

Poter, dins les djeus d' efant, c' est dire ene contene po vey li ci ki djouwrè l' prumî, u ki serè l' voleu, evnd.

Les contenes po poter, c' est ene sôre di rime-rame d' efant.

Contenes po poter[candjî | candjî l’ côde wiki]

  • po tos les djeus.
antebidom, marcote frezêye
Cwand les vatches bizèt, elle ont l' cawe levêye
mistritchou, layilayilou
antebidom, vos estoz foû.[1]
alibeday, marcote frêzêye
cwand les vatches bizèt, elle ont l' cawe levêye
mistrantchou, tirilibidou
alåliyete, vos estoz foû.[2]
Boum et boum et mastoker,
dj' a do pwin po bén dinner;
kî est ç' lu ? Djindåre u voleu ?
  • po tos les djeus.
Èn, swey, drey
Pike et pike et comedeye
Bôre et bôre et ratatam
Mousse, tram
  • po tos les djeus.
Ene poye k' est e l' aiwe.
Vizez bén k' ele n' î neye
Pocodî, Pocodå
Clegne clå
Dezevî, dezevete
Tibî l' oxhea, t' endè cwite.
  • po tos les djeus.
Boû sins coine
Coine di boû
C' est ti k' est foû.[3]

ubén:

Clime clame
Hôtès clames
Coine di boû
C' est ti k' est foû.
  • po tos les djeus.
Ene grosse poye k' esteut sol toet
Ele fijheut des beas gros poes
Ene
Deus
Troes
Vos estoz foû
  • po tos les djeus
Ene deus troes
Vos estoz foû
Po tos les djoûs.[4]

Sourdants[candjî | candjî l’ côde wiki]

  1. ramexhné pa Jean-Pierre Dumont.
  2. E1 a "margote"
  3. ramexhné pa Joseph Calozet dins onk di ses romans.
  4. metou dins on powinme da Laurent Hendschel (Dins des sôres di romances p. 84).