Powinmes e walon da Lôre Gesell

Èn årtike di Wikipedia.
Sauter à la navigation Sauter à la recherche

Powinmes e walon da Lôre Gesell (ki l' tite e francès, c' est Poèmes wallons de Laure Gastes-Gesell), c' est ene ramexhnêye d' arimés da Laure Gesell k' a vudî e 1983 eplaidî pal soce di racsegnes po les tourisses di Belvå-Lignouveye et Pont-dlé-Lignouveye.

Istwere di l' eplaidaedje[candjî | candjî l' côde wiki]

Les arimés ont stî scrîts e 1951 eyet 1952 pa Lôre Guzele, dins ene ortografeye di dvant Feller.

Kékes tites[candjî | candjî l' côde wiki]

  • Dji vôreu bén hanter : viye air almande
  • Tchanson d' l' Ambleve : viye air almande
  • Do tins passé : viye air irlandesse
  • Li vî sapén : Franz Schubert, 1826.
  • Pocwè si todi tourminter : Christian Neefs, 18e sieke
  • Li "Lôreley" : F. Slicher, 1837
  • Li fidele parmetî : F. Zelter, 1812

Onk des powinmes[candjî | candjî l' côde wiki]

C' est sol floriconte do Loreley.

Li Loreley
Dji n’ sai nén pocwè dji m’ tchagrene
Pocwè k’ dji m’ fwai do displit
Ene viye racontroûle di m’ vijhene
Mi rvént tofer a l’ esprit.
Li Rén si påjhûle s’ assombrixh
Tot s’ ewalpant di brouheur
Et l’ solo moussant riglatixh
Sol hôte rotche la tot ådzeu (âdzeûr).
Et la, l’ pus bele des djonnès feyes
S’ ashît po pingnî ses tchveas (dj'vès)
E solea moussant, ses ôrreyes,
si pingne et ses tchveas rilujhèt.
Ele tchante ene tchanson k’ on a måy
Oyou tchanter viè la-hôt
Ene tchanson si doûce k’ ele kiråye
Li pôve cour do ci ki l’ ôt.
Li djonne pexheu schoûte et roveye
Si ptit batea et l’ pexhon
I n’ ôt ki l’ tchanson di cisse feye
I n’ pinse nén å Rén si parfond.
Dj’ a sogne ki l’ aiwe eviyeuse
Ni vegne haper l’ pôve djonnea (djônê).
Et cisse tchanson misterieuse
C’ est l’ Loreley ki l’ a fwait. [1]

Hårdêyes difoûtrinnes[candjî | candjî l' côde wiki]

Sourdant[candjî | candjî l' côde wiki]

  1. p. 35; riscrijhaedje e rfondou po les scoles di Bive do 28 di måss 2017.