Province do Kivou bijhrece

Province do Kivou Bijhrece

Li Province do Kivou Bijhrece, c' est ene nouve province a levantrece del Republike democratike do Congo.

Mwaissès dnêyes

Li mwaisse veye del province, c' est Goma.

Elle a-st ene sitindêye di 59.483 km² po 3.564.434 dimanants.

Elle a des frontires avou (dins l' sinse des aweyes d' ôrlodje tot-z atacant å nôr): les provinces di l'Itouri, Kivou Nonnrece, Maniema, eyet Tshopo, eyet on frontire avou li Rwanda.

Li lingaedje del province, c' est l' Swahili.

Istwere

Après li peupe-sipata do Rwanda et l' victwere di På Cagamé, n a bråmint des Houtous k' estént dins les touweus ki s' ont radjîstré dins l' province, et mete so pî on mouvmint politike.

Dispu l' fén des anêyes 1990, gn a des revinteus disconte l' otorité d' Kinchassa sotnous på Rwanda ki s' ont ratroplé dins on mouvmint årmé, l' M23. Sol fén do moes d' djanvî 2025, ces-ci prindît Goma.

Economeye

Li province a toplin des ritchesse dins tere. Inte di zeles, li coltan. Mins eto di l' ôr.