Red Dead Redemption

Logo oficir do djeu.

Red Dead Redemption, c' est l' deujhinme djeu do rîlêye-djeu « Red Dead ». Il a rexhou e 2010 pa Rockstar Games eyet il a stî diswalpé pa Rockstar San Diego.

Istwere

Sinnario

On djouwe dins l' pea da John Marston, èn ancyin cabê eyet mimbe del Binde da Van der Linde. Li djeu s' passe cwatre ans après l' fén di Red Dead Redemption II, e 1911. A ç' tins la, John Marston doet bouter pol F.B.I. Tot cmince a Armadillo, ene pitite veye di New Austin. Di drola, John Marston s' e va å Fort Mercer, k' est tnou på binde da Bill Williamson, èn ancyin soçon do portagonisse. L' adierça, c' esteut d' adire Bill Williamson di s' rinde. Seulmint, ci-ci n' vout rén saveur eyet John Marston si prind ene bale. Il a pout må d' mori.

Adonpwis, John Marston cache après Bill Williamson po l' apicî. A on moumint, ça va sey l' minme afwaire avou Javier Escuella, k' a abagué å Mecsike. Epwis, al fén, li portagonisse va cachî eto après Dutch Van der Linde, ès-n' ancyin tchîf di binde. Après awè apîcî ces troes omes la, li coboy n' boute pus po l' F.B.I., mins i s' va fé macsådé pa Edgar Ross eyet cpagneye. C' est pocwè, dins l' épiloke, on djouwe avou s' fi, Jack Marston.

Edroet

L' istwere si passe e troes pårtêyes : ene a New Austin k' erprezinte li Far West waeraxhe ; pwis, ene å Mecsike, Nuevo Paraíso, al frontire avou les Uyessês, eyet poy al Nonne di West Elizabeth, ene redjon ewou çk' i l' Far West grevisse.

Shûte

Tot shuvant l' ôre des rexhaedjes, li shûte di ci djeu ci, c' est Red Dead Redemption II. Ci-ci a vudî e 2018. Totfeye, l' istwere del deujhinme paskeye, c' est etur 1899 eyet 1907.

Il egzistêye eto ene paskeye disrilêye lomêye : Red Dead Redemption: Undead Nightmare.