Vôte

Pol discramiaedje des årtikes avou l' mot « Vôte », loukîz cial.

Po des linwincieusès racsegnes sol mot "vôte", alez s' vey sol Wiccionaire

Ene vôte ou on reston ou ene coukebake, c' est èn amagnî a vey avou li boledjreye-påstedjreye, et l' amagnî abeye abeye.

Les vôtes al boûkete si lomèt boûkete (après Lidje) ou berdeles (sol Simwès).

Ricetes

Ricete des spessès vôtes (å lård) come on les fjheut dinltins :

On leye souwer 2 grands kertons d' maigue lård evoye dins ene paile; (adon, s' i gn a nén del cråxhe assez, avou l' foû maigue lård des pourceas d' asteure, rimete on boket d' boure).
Prinde deus oûs, et lzès bate al fortchete dins ene djate po les maxhî comifåt; radjouter ene djate di laecea, pus troes coyirêyes di farene.
Vudîz l' cado dins l' paile.
Cwand l' vôte kimince a cure, el trawer avou l' coutea po n' nén k' ça plake. Gn a des pailes esprès po les vôtes, ki n' aplakèt nén; mins i n' f les fåt nén dischaver avou des fortchetes.
Cwand on costé est cût, on l' ritoûne so ene coviete di casrole, et l' rimete el paile po rcure l' ôte des costés. Al Tchandleuse, on sayive di rtourner les vôtes tot lzès fjhant potchî e l' air. Li ci k' adiercive si côp aveut del tchance tot l' anêye.
Li vôte si prezinte come ene bele ronde assietêye ki tént bén eshonne. On pout mete do souke dissu. Avou les bokets d' lård, ça fwait salé et soucré.
Cwand on n' reyussixh nén ene vôte (metans k' ele plake al paile, et s' dismantchî), on maxhe totafwait, et ça fwait do touyisse. On l' magne so ene pîce di pwin.

Les finès vôtes ou vôtions, ou restons si fwaiynut insi :

Pol cado, on n' mete ki deus oûs avou do laecea et del farene, et passer maxhoe electrike; si l' cadon shonne trop spès, rimete do laecea; s' i shonne trop aiwiaesse, rimete del farene.
On les cût al paile dins do boure.
On les magne avou do boure di coxhe (del confiteure) dissu, et les rôler eshonne come on cigåre, k' on pout côper al fortchete u prinde avou ses doets.

Les vôtes polnut s' magnî totes seules ubén avou èn, virpus puzieurs, acpagnmints :

Commons

I gn a so les cmons Wikipedia des imådjes ou fitchîs son a vey avou les vôtes .