Tchandleuse

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "Tchandleuse", alez s' vey sol Wiccionaire

Messe del Tchandleuse
Grosse vôte

Li Tchandleuse ou les Tchandeles, c' est ene fiesse catolike ki s' djoû, c' est l' 2 d' fevrî, dj' ô bén, 40 djoûs après l' Noyé.

I rmimbere li prezintaedje di l' Efant Djezus å timpe di Djeruzalem, et l' ramessaedje di Mareye.

On dit messe et-z î beni des tchandeles.

Uzances el Walonreye[candjî | candjî l' côde wiki]

On î fwait des vôtes. Et lzès rtourner dins l' paile tot les fjhant potchî e l' air. On croet ki c' est po-z awè do bouneûr po tote l' anêye.

On croet co :

  • ki cwand ene båshele fwait potchî ene vôte shijh côps d' rote, ele trove on galant a s'-t idêye dins l' anêye.
  • ki si on lzès fwait potchî avou ene pîce a s' mwin, on årè ene boune santé et bråmint des cwårs l' anêye å long.
  • ki, si on wåde li prumire vôte padzeu ou dins l' årmwere tote l' anêye, on serè waeranti des rascråwes : on årè des fruts et des canadas a make, ene bele awousse, et des biesses ki n' atrapront nén l' cocote.

Ratourneures sol tchandleuse, come anonceuse do tins[candjî | candjî l' côde wiki]

  • Cwand l' solea lût so l' åté el tchandleuse, li rnåd rmousse dins s' bôre po 6 samwinnes / Cwand l' solea lût al Tchandleuse, l' oûsse rintere a s' trô po shijh samwinnes. / Ås tchandeles, cwand l' solea lût, i gn a co po shijh samwinnes d' ivier.
  • Ås Tchandeles, cwand l' solia lût, i lût tot l' esté. / Li grand-messe del Tchandleuse promete on bea esté cwand, tot l' tins k' l' ofice deure, li solea lût so l' åté.
  • Al Tchandleuse, mitan grin, mitan strin.
Commons
I gn a so les cmons Wikipedia des imådjes ou fitchîs son a vey avou l' Tchandleuse .