Revintreye des Grignous

Èn årtike di Wikipedia.
Sauter à la navigation Sauter à la recherche
Pol discramiaedje des årtikes avou l' mot "tchirou", loukîz cial

Li revintreye des Grignous, c’ est ene revintreye disconte li prince-eveke ki s’ a passé el principåté d’ Lidje e 1646.

Wiktionary-logo.svg

Po des linwincieusès racsegnes sol mot "Grignous", alez s' vey sol Wiccionaire

Wiktionary-logo.svg

Po des linwincieusès racsegnes sol mot "Tchirous", alez s' vey sol Wiccionaire

Cotoû politike[candjî | candjî l' côde wiki]

Gn deus pårtis politikes adon a Lidje : les Tchirous, ki tnèt avou l’ prince-eveke (pårti « rweyalisse »), et les Grignous ki tnèt purade pol peupe (pårti « democrate »).

Li prince-eveke Nand d’ Bavire replaece si parint Nesse di Bavire.

Dedja, e 1636, les Grignous avént sayî di s’ revinter, et ça aveut fwait do bardouxha.[1]

Revintreye di 1946[candjî | candjî l' côde wiki]

Dins on vôtaedje, les Grignous årént frawtiner. Li borguimwaisse did zels k’ aveut stî lomé est priyî a dinner på conte di Warfuzêye pu est assaziné. Warfuzêye est apicî pås djins et khatchî a bokets.[2]

C' est l' revintreye. Li prince-eveke court evoye a Vizé.

On adjinçnêye des noveas vôtaedjes, ki les Grignous wangnèt.

So ces etrevéns la, li prince-eveke aveut dmandé l' aidance di l' impreur k' evoya des tropes almandes por lu rprinde si trône.

Rilomêye del revintreye[candjî | candjî l' côde wiki]

Divant çoula, li cmon mot "tchirou" loméve djusse li gris hosse-cou. Les Tchirous fourît lomé insi a cåze di leu noer mousmint, ki les fjhîz rshonner a l' oujhea.

Après l' revintreye, li cmon mot va prinde totes sôres d' ôte sinses, po lomer des spotchaedjes di fruts (aprume avou ene noere coleur), come li sirôpe.

Ele va eto lomer totes sôres di djins nén veyous voltî.

Li mot "Grignous" serè prins pa des bandiys ki s' catchént dins les bwès do costé del Grande Louwete el fén do 19inme sieke.

Sourdants[candjî | candjî l' côde wiki]

  1. Istwere del Walonreye, veyowe pa les Walons p. 114-115.
  2. J. Brumioul A l' awaite do Payis d' Lidje (teyåte), p. 47.