Protestantisse

Li protestantisse, c' est ene coxhe do cristinnisse ki n' ricnoxhe nén l' otorité do Påpe di Rome.

Il a skepyî e 17inme sieke, des acsegnmints da Martin Luther eyet Djihan Calvin.

Motlî

On curé protestant si lome «on pasteur». Davance on djheut: «on predicant».

Ene eglijhe protestante si dit: «on timpe». Gn a sovint k' on tot ptit clotchî.

Coxhes do protestantisse

luterisse
calvinisse
spirites (vijhéns des Walons del Wisconsene)
advintisses
- Advintisses do setinme djoû
evandjelisse (protestantisse)s
amiches
Mormons

Les temoens d' Djeyova ni sont nén contés come protestants ^{(a-z aveuri)}

E l' istwere del Walonreye

Li protestantisse s' a diswalpé e minme tins ki dins les payis djondants. Mins, come pårteye do Sint Impire Romin Djermanike, les Walons vont esse sometou a ene lwè ki dit ki li rlidjon des sudjets doet esse li ci do mwaisse do payis. Ostant li principåté d' Lidje ki les Bas Payis espagnols, leu tchîf est catolike. Adon, li protestantisse ni s' a sepou edjîstrer foirt e l' Walonreye. Portant, il esteut co bén accepté a Spå, la k' les protestants walons passént divant di fure so l' Almagne.