Ringuiaedje

Èn årtike di Wikipedia.
Potchî a: naiviaedje, cweri

Li ringuiaedje u peltaedje, c' est on passaedje avou ene îpe u ene seracuze so ene siteule, po råyî et ramasser les crouwôs. E minme tins, s' i ploût, on va fé lever les grinnes, bounes u mwaijhes, ki trinnèt après l' awousse, come les poennes et les laitissons.

Insi, li tere est pus prôpe a tcherwer pol dinrêye ki shût.

El Walonreye, on-z aléve sovint ringyî après des dinrêyes, e moes d' setimbe-octôbe.

Li ringuiaedje est diferin do brijhaedje. Mins on eploye pacô les minmes ekipaedjes po les deus bouyes. Portant li picot pout siervi å brijhaedje, mins nén å ringuiaedje, ca i n' rimouwe nén l' tere.