Seracuze
Ene seracuze[1] (pus rålmint: îpe ås rsôrts)[2], c' est ene sôre di grosse îpe avou des arondis dints, saetcheye pa des boûs, des tchvås u on tracteur.
Motlî[candjî | candjî l’ côde wiki]
Li passaedje å seracuze si lome seracuzaedje (on va seracuzer 
aschoûtez lu).
Istwere des seracuzes[candjî | candjî l’ côde wiki]
L' usteye a amoussî el Walonreye diviè les anêyes 1920. On l' a eployî disk' aviè les anêyes 1980. Adon, elle a stî remantcheye po-z aler so les ptits tracteurs.
Di cisse façon la, on ndè pleut saetchî deus d' on côp.
-
haetcheye pa deus boûs -
dobe seracuzaedje å tracteur
Discrijhaedje d' ene seracuze.[candjî | candjî l’ côde wiki]
L' adire etur ene seracuze et ene îpe, c' est k' les dints del seracuze fijhèt rsôrt et sont montés so èn aessi. Eto, on les pout clintchî tot saetchant so on levî ki tént so on crama. A ç' moumint la, les dints moussèt pus fond dins tere.
Li seracuzaedje[candjî | candjî l’ côde wiki]
On seracuze so les royes di tcherowe po on prumî ctaeyaedje des royes, et bén sovint, on l' fwait e croes (dins les deus sinses). On rpasse avou ene îpe après, po fé on fén lét al simince et l' ricatchî après l' semaedje.
On pout eto eployî l' seracuze pol ringuiaedje.
Des ôtes ekipaedjes polèt fé l' minme ovraedje : picoteuse et kischoyante îpe.
