Royåle osmonde
| Royal Fern | ||||||||||||
|---|---|---|---|---|---|---|---|---|---|---|---|---|
 Osmunda regalis | ||||||||||||
| Rindjmint sincieus | ||||||||||||
| ||||||||||||
| No e sincieus latén | ||||||||||||
| Osmunda regalis L. | ||||||||||||
Li royåle osmonde (Osmunda regalis) est ene grande fetchire del famile des osmondacêyes, ki poite ses grinnes seulmint so kékes foyes. Gn a telmint di grinnes colêyes ene a l' ôte ki l' foye ni sait s' diswalper come les foyes ki n' sont nén fertiles. Ces grinnes la sont dabôrd vetes, pwis brunixhèt avou l' timp, çou ki li dene a l' osmonde l' aparance d' esse floreye.
Elle crexhe dins les fagnes di sôre atlantike, foirt frexhes et foirt acides. Ele ni si spåde waire et ridjete todi so leye-minme, çou ki fwait, å dbout di kékes siekes, ki les fetchires setcheyes tos ls ans, fijhèt des touradons assez hôts.
Sipårdaedje
[candjî | candjî l’ côde wiki]On l' ritrouve ene miete tot avå e l' Urope, l' Azeye eyet l' Amerike bijhrece.
Mins el Walonreye, li "royåle osmonde" est des pus råles. On nel trouve ki sol site del Croes-Schaye, dilé Djedene. Les touradons s' î elevèt di 80 cm a on mete, et li fetchire leye-minme fijhant on bon mete, on si rind conte do spectåke k' ele riprezinte.
