Rwès mådjes

Pol discramiaedje des årtikes avou l' mot « Les Troes Rwès », loukîz cial.

veyous pa Marie-Line Dabe, al creche di Transene 2021

Les Rwès mådjes u les Troes Rwès, c' est des persounaedjes di l' Evandjîle sint Matî, k' årént vnou vey li Ptit Djezus cwand il a nexhou a Betleyem.

Cisse etrevén la est fiesti li 6 di djanvî amon les catolikes. C' est l' fiesse des Rwès.

Lomaedje des Troes Rwès

• Mensieur (Mèn'cheûr, Mèn'sieûr, Mèn'sior)
• Baltazår
• Djåspår

Tecse da Matî

1. Djezus estant don vnou å monde a Betleyem — ene veye del tribu d' Djuda — do tins do Rwè Erôde, gn a des Mådjes ki vnît do Levant a Djeruzalem.

2. Si dmandît i: «wice est i, li Rwè des Djwifs ki vént di vni å monde? Ca nos avans veyou si stoele å Levant et nos avans vnou po l' adorer.»

3. Li Rwè Erôde, aprindant çoula, fourit-st amaké, et tote li veye di Djeruzalem avou lu.

(…)

7. Adon Erôde fijha houkî les mådjes a pårt, et s' les ctourner di totes les manires po saveur di zels e ké tins li stoele aveut rglati a leus ouys.

8. Tot ls evoyant a Betleyem, elzî derit : alez, indfôrmez vs å djusse di cist efant la, et cwand vos l' åroz trové, fijhoz mel saveur, po ki dj' el våye adorer, mi eto.

9. Cwand il ont yeu-st oyou ces paroles la do Rwè, end alît. Et å minme tins, li stoele k' il avént veyou e Levant aléve divant zels, disca çou k' ele fourit arivêye åd dizeu di wice k' esteut l' efant. Ele s' î aresta.

10. Cwand i veyît li stoele sitatêye, i fourît tot foû d' zels di djoye.

11. Tot-z intrant e l' måjhone, i trovît l' efant avou Mareye, si mere. Si tapant a l' tere, i l' adorît. Adonpwis, i discovrît leus trezôrs, et lyi prezinter di l' ôr, di l' ecinse et del mire).

12. Et come il avît rçû tot doirmant èn adviertixhmint do n' nén aler rtrover Erôde, i ndè ralît e leu payis pa ene ôte voye.