Siné (plante)

Èn årtike di Wikipedia.
(Redjiblé di Såvadje moståde)
Pol discramiaedje des årtikes avou l' mot « siné », loukîz cial.
Pol discramiaedje des årtikes avou l' mot « rabrouxhe », loukîz cial.
Pol discramiaedje des årtikes avou l' mot « moståde », loukîz cial.

Po des linwincieusès racsegnes sol mot "siné", alez s' vey sol Wiccionaire

plante ki cmince a aler a grinnes

El siné, pus sovint å pluriyal: les snés[1] (on dit ossu : li såvadje moståde, li såvadje navete u l' rabrouxhe[2]), c' est ene fleur des tchamps riwaiteye come on crouwå.

Sincieus no d' l' indje : Sinapis arvensis

Famile : cabutacêyes

Rishonnantès plantes[candjî | candjî l’ côde wiki]

Elle ont tertotes des hôtès djaenès fleurs ki raviznut come deus gotes d' aiwe ås cenes del såvadje moståde.

Tos les nos do sné sont ossu dnés a ene ôte fleur des tchamps lomêye sincieuzmint Raphanis raphanistrum.[3]

Gn a des ôtès plantes lomêyes moståde. Ele sont coûtivêyes po fé del moståde u come vete ecråxhe. N a l' blanc sné (Sinapis alba), k' a des foyes d' ene ôte cogne. Eto, li noer siné (Sinapis nigra).

Li golzå (Brassica napus) est pus grand. Il est coûtivé po fé d' l' ôle. Les torteas polnut esse dinés ås vatches.

Discrijhaedje[candjî | candjî l’ côde wiki]

Ele est foirt voltrûle come crouwå. Si pout ele sitofer les semés.[4]

C' est ene plante ki monte a djaene fleur. Elle a sovint 20 a 80 cintimetes, mins pout crexhe dipus d' on mete hôt.

Les foyes sont cråsses, mo niervurêyes et ås boirds dintlés.

Les fruts sont dins des hotches.

Les grinnes sont bron-rodjåsses.

Spårdaedje[candjî | candjî l’ côde wiki]

C' est ene plante ki provént des payis del Mîtrinne Mer.

Ele s' a spårdou ezès contrêyes timperêyes di l' Urope et d' l' Azeye.

Elle a stî rsemêye d' astcheyance e l' Amerike bijhrece, l' Amerike nonnrece, å Djapon e l' Ostraleye ey e l' Nonne-Afrike.[5]

Uzaedjes[candjî | candjî l’ côde wiki]

po les djins[candjî | candjî l’ côde wiki]

On l' pout coûtiver po fé del moståde.

Les prumirès foyes sont magnåves. Ele sont loukêyes come èn amagnî d' pômagne.

On pout saetchî ene ôle di ses grinnes.

po les biesses[candjî | candjî l’ côde wiki]

gades waidiant å mitan des snés

Come alimints po les biesses, ele pout esse waidieye cwand elle est a fleur. Mins ele dene on gosse a pårt å laecea des vatches k' el paxhnut.

A grinnes, ele pout esse on pwezon po totes les biesses ås tetes (mins nén po les oujheas). C' est insi cwand on lait paxhe les vatches u les berbis so des tchamps foirt enindjîs di snés. C' est parey cwand on dene des vetes fôraedjes (dinrêyes d' awousse) u do golzå) k' i gn a des vîs snés toplin dvins. On a veyou ossu des epweznaedjes d' accidint avou l' ôle di sné.[6]

Sourdant[candjî | candjî l’ côde wiki]

  1. Prononcé ossu bén sovint «snè» (/snɛ/)
  2. Po tos les nos walons rilevés dins les motîs, loukîz a G100 a «moutarde des champs».
  3. E9 p. …
  4. Mostré e l' fråze do motî C106: «Nos ptitès sminces sitofnut dins les snés».
  5. (en) Wikipedia inglès
  6. (de) Gustav Rosenberger, Krankheiten des Rindes, Verlag Paul Parey, Berlin et Hambork, 1ire edicion, 1970, ISBN 3-489-55716-6, p. 1271-1272.