Leyes di bire

Les leyes di bire u leveures di bressene, c' est des yesses ki candjnut li souke a-n alcol, et ki siervèt a fé del bire.

Sincieus no d' l' indje : Saccharomyces cerevisiae

Si ptit no cerevisiae vout dire «del cervoejhe».

Diferins stoks

C’ est l’ minme sôre di tchampion pol pwin u l' vén ki pol bire.

Pol pwin, on l' lome purade yesse di boledjî.

L' adire inte les deus, c’ est les stoks diferins del minme indje. Come po les djins, gn a des grands, des ptits, des blancs, des djaenes, des noers. Et po les cmeres, sorlon l' coleur des tchveas, des blondes, des brunes et des rossetes. Mins c’ est todi des djins (li minme indje Homo sapiens sapiens). Oudon c' est come les raeces di tchén u d' vatches.