Sarazin

Èn årtike di Wikipedia.
Potchî a: naiviaedje, cweri
plake “Sarracín” so l' otovoye e l' Espagne

On Sarazin, c' esteut, on muzulman, ki el Moyinådje, si bateut avou les Crustins e l' Espagne.

Come on-z a maxhî eshonne tos les djins ki n' estént nén crustin, on-z a eto lomé Sarazin les ancyins Bedjes, dj' ô bén, les peupes ki dmorént el Gåle divant les Romins.

C' est l' sinse k' est l' pus eployî e walon, did la les did la les lomaedjes crahea d' Sarazin, et les nos d' plaeces avou Sarazin, po des eplaeçmints k' on pinse ki c' est les Ancyin Bedjes k' î dmorént.

Li mot a co des ôtes sinses imådjreces

Les "Sarazins" et l' ovraedje do fier.[candjî]

A Cerfontinne, i dmorént dins Trô Duzincri, i travayént l' fier, et rfé les cayets d' fier k' on lzî aléve poirter dilé leu dmorance, et payî ene pitite sacwè a magnî. C' est l' minme ovraedje ki les nûtons fjhént a des ôtès plaeces.

Pire di Sarazin[candjî]

C' est ene foirt deure pire taeyeye pås Ancyins Bedjes (des trevéns neyolitikes).

Li mot "Sarazin" dins l' no di des plaeces del Walonreye[candjî]

plake di l' aire di parkigne di Salazene
  • Tchimin des Sarazins: no d' ene plaece d' Åbe (so ene voye rominne lérece).
  • Rowe des Sarazins: ancyin no d' rowe di Dårmé (asteure rowe di Mont);
  • Coulot Saraze et Rowe des Sarazins (asteure rowe Notru-Dame): plaeces di et di Nameur
Kinoxhoz l' rowe des Sarazins ? C' est la k' dj' a vnou å monde. Adon, c' esteut des bråvès djins. On n' pinséve nén a s' tonde (C. Wérotte).

Cåve des Sarazins: no di des plaeces di Biercêye et Cipli.

  • Fosse des Sarazins: no di des plaeces di Tchampion, Fraire, Gråce et Oufet.
  • Fontinne des Sarazins: no di des plaeces di Tchôkire et Berimayni.
  • Sarazene (so plaece: Salazene), on hamtea di Spontin. Est ç' ki ça vout dire "trô d' sarazin ?"
plake pol pormoennåde des Sarazins a Oû-Djåce.

Li mot Sarazin e walon[candjî]

Foirt corant el province do Hinnot po djåzer des djins ki dmorént dins des grotes. Dins les diccionaires walons, on l' trove dins l' Pirsoul (Nameur, po les dmorants d' Sarasse), dins l' Carlier et Bal (Coûtchant walon, po les spotaedjes do payis d' Tchålerwè), li Haust (Lidje, sinse di viye haeyåve feme), dins l' Balle (Cerfontinne, sinse di ptits omes ki travayént l' fier).

Vey eto[candjî]