Scrijha â

Pol discramiaedje des årtikes avou l' mot « A et a », loukîz cial.

Li scrijha "â", c' est ene dobe lete ki rprezinte li son A long (/aː/) dins sacwants accints do walon mins ki n' egzistêye pus e rfondou walon.

Les mots scrîts avou on "â" e sistinme Feller eyet dins les scrijhas di dvant Feller sont å pus sovint rortografyîs avou l' betchfessî å (ki s' pout cåzu todi prononcî ossu /aː/) e rfondou walon.

Valeur essegnrece do son â

Vî motî walon mostrant li prononçaedje «â» a Lidje minme

Dins les payis metous djusse a l' aschate inte li prononçaedje avou /aː/ et l' ci avou /oː/ u /ɔː/ do betchfessî å, on dit voltî des fråzes rimpleyes di ç' son la po s' fote des djins ki l' prononcèt insi.

Metans, les Lidjwès s' mokèt des Serè les lomant «les Râyeûs d' ârmâs» u, tot rhazixhant l' clå: les «Râyeûs d' clâs d'vins lès-ârmâs» (Råyeus d' clås dvins les årmås).

Les cis d' Freu dijhèt des djins d' Moirci: «i metant l' tâle et montant sol châle avu on potiket d' frambâje» (i metèt l' tåve et montèt sol schåle avou on potiket d' frambåjhes).

Pa des côps, les calcaedjes do francès ki s' prononcèt purade avou «â» dinèt des djeus d' mots mî etindåves dins les payis avou «â».

Kéne diferince eter Bastogne et Holywood? Response: a Holywood on flate les stârs et a Bastogne on stâre les flates.