Cåzaedjisse

On (ene) cåzaedjisse (on pôreut dire eto: on parolî, ene parolresse), c' est on scrijheu u ene sicrijheuse ki fwait les cåzaedjes d' ene tchanson.

Kékès bayeyes sol mestî

Li cåzaedjisse toutche ene pårteye des abondroets d' ene tchanson k' est tchantêye divant les djins, å posse, al tévé, evnd.

Les cåzaedjisses polèt askepyî des tecses zels-minmes e walon, u ratourner des paroles di des tchansons dins des ôtes lingaedjes, copurade li francès. Mins les parolîs d' mestî ni fwaiynut nén çoula voltî, ca adon, i n' toutchèt nén tant des çanses po leus abondroets

On cåzaedjisse pout esse on scrijheu di totès sôres di sacwè, aprume des arimés. Mins i pout esse eto onk ki n' fwait ki çoula.

Cwand c' est l' tchanteu lu-minme ki fwait les paroles di ses tchansons, et l' muzike, on l' lome on tchanteu compôzeu scrijheu.

Sacwants rlomés cåzaedjisses e walon

• Henri Bragard a fwait les tecses di sacwants tchansons rlomêyes dins l' Payis d' Måmdiy.
• André Gauditiaubois, cåzaedjisse da William Dunker.
• Philippe Antoine, po Mimile.
• Guy Fontinne eyet Georges Simonis ont fwait des cåzaedje di tchanson po Véronique Roba, Jacques Lefebvre et co ds ôtes.
• Cåzaedjisses da Bob Dechamps : M. Drouet, Freddy Neufort, G. Legrand, A. Dohet, F. Montreuil, G. Manet, André Hancre.