Véronique Roba

Èn årtike di Wikipedia.
Potchî a: naiviaedje, cweri

Véronique Roba, c' est ene tchanteuse e walon.

Ele tchante des tchansons da sinne (come cåzaedjisse ou come compôzeuse) ou da des ôtes parolîs, mins sovint rmetowes e walon (leu tecse est al leccion) pa Guy Fontaine ou Marcel Slangen.

Elle esteut aveule.

Elle a rexhou ene sitroete plake sol tite "Odace" diviè les anêyes 2000.

On tecse otobiyografike[candjî | candjî l' côde wiki]

Li prumire tchanson di s' plake, est otobiyografike, poy k' elle esplike si coraedje po edurer si stroupiaedje.[1]

Noer solo
(c’ est k’ l’ espwer n’ est nén a ctaper)

I.
Fåt croere ki l’ Bon Diu m’ a rovyî
Å moumint k’ dji dveu vey li djoû
Paski c’ est l’ nute k’ i m’ a leyî :
Ene ranse ås ouys ki poirtèt l’ doû.
Mins n’ dit-st on nén ki les måvis
E l’ noeristé d’ leus broûlés ouys
Ni dit-st on nén k’ i tchantèt mî ?
Leu solo, c’ est l’ minne, pol djoû d’ ouy.

Resploe :
Awè, dji so tot come dji so
Avou m’ veye tot come on minme-né
Et si dji tchante asteure por vos,
C’ est k’ l’ espwer n’ est nén a ctaper.

II.
Ni vs creyoz nén pår oblidjî
Di vs fé do må ou d’ aveur pitié.
Di rén d’ çoula, dji n’ a dandjî;
Et s’ n’ a dj’ nole luçon a vs diner.
Li solo k’ vos veyoz rglati
M’ restchåfe li cour come vos l’ esté.
E m’ nute, il est la sins cpani (?)
Divins ene cote di tinrûlisté.

Resploe
Paski dji so tot come dji so
Dji pou passer m’ veye sins frawter.
Et si dji tchante asteure por vos,
C’ est k’ l’ espwer n’ est nén a ctaper.

III.
I n’ si fåt måy discoraedjî
Minme tot vicant el noeristé.
Si les muroes n’ sont nén por mi,
Dji n’ a d’ keure di m’ loukî viker.
Baxhî les bresses n’ est nén por mi,
Adon k’ asteure, dji pou tchanter
E noer solo d’ ene blanke loumire,
Et k’ ... k’ vôrîz bén avou vos (?)

Resploe
Insi dji so tot come dji so
Et minme s’ i m’ arive di tchoûler,
Li seu messaedje ki dj’ a por vos,
C’ est k’ l’ espwer n’ est nén a ctaper.

Sourdant[candjî | candjî l' côde wiki]

  1. tecse (francès) da Véronique Roba, muzike da Jacques Lefebvre, ratournaedje e walon : Guy Fontaine.