Bob Dechamps

Èn årtike di Wikipedia.
Potchî a: naiviaedje, cweri

Wiktionary-logo.svg

Li Wiccionaire si rsieve di sacwants fråzes da "Bob Dechamps" po-z enimådjî des mots k' i gn a.

Sitroete plake rifwaite avou sacwants succès da Bob Dechamp

Bob Dechamps a skepyî li 3 d' octôbe 1914, et mori e 2002.

C' esteut on tchanteu e walon, foirt rilomé.

I tchantéve voltî des tchansons da Nicolas Boiron, Jacques Bertrand, François Loriaux, Alfred Launois, René Godeau udonbén Alfred Neufort. Elzès tchantéve si bén k' on-z aveut sovint les pinses ki c' esteut da sinne.

I djheut sovint on long monoloke divant d' tchanter ses tchansons. Ces-la, elzès scrijheut lu-minme.

Il aveut vnou å monde a Wandjniye, et aveut cmincî a bouter drola come boledjî.

Cårire et persounålté[candjî | candjî l' côde wiki]

Bob Dechamps aveut todi bråmint des djins a ses concerts. Cwand on lyi dmandéve : "gn a des djins, Bob ?", i respondeut, sins manke : "A crever, valet !".

Papî da Pol Louka el gazete Sabam Magazine (l° 30, 2002) al moirt da Bob Dechamps

Bob Dechamps djåzéve voltî walon, mins eto francès avou on foirt accint et des walonisses divins. C' esteut pacôp l' lingaedje di ses internedes (come chacun son accent). Il esteut eto on fén schoûteu des cåzaedjes e francès d' Walonreye, des Walons ki vlént djåzer francès, et des abagants Itålyins et Flaminds ki viként emey les Walons waloncåzants.

Il aveut scrît sacwants bokets e prôze dins l' gazete Metro et eto ene u deus tchansons (ene parexhowe dins l' Bourdon di fevrî 1954).

Des monolokes & tchansons k’ il a fwait lu-mime, u bouté dsu.[candjî | candjî l' côde wiki]

si siné (dicåçtaedje d' ene cassete a Lucyin Mahin)
  • tot seu :
    • Djef al fosse.
    • Djôzef a m’ mariaedje (monoloke po prezinter l' tchanson).
    • Djôzef al moutouwele.
    • Djôzef e vacances.
    • Li boû et l’ bådet.
    • Li cokî (monoloke po prezinter l' tchanson).
    • Li Flamind.
  • Avou des ôtes:
    • A ! l' djeu d' bale (avou H. Hancre et André Hancre).
    • Crolêye, Al veye (avou A. Dohet).
    • Djôzef a m’ mariaedje (avou F. Neufort & F. Montreuil).
    • Djôzef a messe
    • El danseu al viole (avou A. Dohet, G. Manet).
    • El djouweu d' gueyes, el bire do payis, el cokî; les celeris (avou G. Legrand et F. Neufort)
    • Fefeye (Fifiye) (avou O. Grillaert et F. Neufort).
    • Les muzicyins (avou A. Launois et G. Legrand).
    • Les ptits moxhons (avou A. Launois).
    • Li facteur (avou F. Montreuil & G. Manet).
    • Li Grande Eva (avou M. Drouet et P. Font).
    • El Tango walon (avou H. Hancre et André Hancre).
    • Marcinele (avou Louka et Delporte).
    • Nozôtes les Walons (avou A. Dohet).
    • Tchålerwè, ké sale payis (avou François Lemaire)
    • Tchantans eshonne (avou G. Legrand).

Tchansons des ôtes k' i tchantéve voltî[candjî | candjî l' côde wiki]

  • Di des grands scrijheus.
  • Di cåzaedjisses k' i boutéve cobén avou zels
    • Martchand d' lokes, Tchantez m' payis, Les danseus al viole, ele mindjive des biyokes (ele mindjeut des bulokes), tos cåzaedjes da A. Dohet & G. André.
    • Å botike del pitite Manmance, da J. Reyniers et F. Neufort.
    • On ptit air d' årmonica, da A. Dohet et F. Neufort.
  • D' ôtes cåzaedjisses.
    • L' acordeyoneu, da A. Pletinckx.
    • Padrî l' håye di no paxhi, da Loymar, J. Well et L. Botte.
    • Li viye djonne feye, da M. Guitty et A. Rainchon.
    • Ene pitite tasse, da J. Bachy et R. Godeau.

Hårdêye difoûtrinne[candjî | candjî l' côde wiki]